Големи овации за Горан Пандев на славјето во Џенова

Македонската фудбалска легенда по грандиозниот пречек на „Џузепе Меаца“ во Милано, сега беше одличнo пречекан и од неговиот поранешен клуб Џенова која денес величествено прослави враќање во Серија А.

Во Џенова денес навивачите на најстариот клуб во Италија прославија пласман во елитата по една година во втора лига.

Додека Сампдорија тагува поради испаѓањето во Серија Б, црвено-синиот дел од градот се радува на голем успех.

Предводени од Алберто Џилардино кој неодамна влезе во тренерски води, тимот на Џенова денес со триумф над Асколи од 2-1 и теоретски обезбеди враќање во А.

Гостин на натпреварот беше Горан Пандев кој од клубот доби дрес и плакета за се што стори за Џеновјаните.

Струмичанецот го доби дресот со својот број 19 додека илјадници тифози на „Луиџи Ферарис“ громогласно го скандираа неговото име.

6 мај 2023 - 20:06

Штета ако сте пропуштиле

Имаме порака од Шопето

Хармониката станува кул

Кевин Спејси е невин

Деца, напнете