Петолигашот Маклсфилд успеа да го изненади третолигашот Свиндон и го елиминираше од првото коло на ФА купот со победа од 4:0.
Оваа сезона Свиндон игра одлично на домашен терен и ќе атакува на пласман во англискиот Чемпионшип, но тие се очајни на гостувањата. Тоа го искористија фудбалерите на Маклсфилд и успеаа да им нанесат тежок пораз.
На гостувањето отпатувале 305 навивачи, па како мала утеха, фудбалерите ќе им ги вратат парите кои тие ги потрошиле за влезници.
„Сите се срамат од начинот на кој одиграа. Ние ја цениме поддршката која ја имаме од нашите навивачи на домашен и на гостински терен и овој гест е единствено што можеме да сториме за да им се оддолжиме", изјави тренерот на Свиндон.
Денес Свиндон играат против четвртолигашите Викомб во друго куп натпреварување, па овој натпревар ќе биде уште една шанса да им се оддолжат на навивачите со победа.
