Бордот на ФИФА на состанокот во Цирих ги прифати аргументите на Европската клупска асоцијација (ECA).
Според предлогот за календарот за периодот од 2015-та до 2018-та година, националните тимови ќе одиграат по два натпревари во март, септември, октомври и ноеври како и во јуни секоја втора година, а во февруари и август повеќе нема да има простор за одигрување на пријателски натпревари.
Натпреварите како оној помеѓу Луксембург и Македонија, веќе со години се непопуларни кај клубовите. Челниците на европските клубови сметаат дека овие натпревари претставуваат непотребен ризик за играчите кои можат да се повредат, а клубовите трпат штета затоа што ги губат најдобрите фудбалери во важен период од сезоната.
