Циркузијада од пенал во Конференциска лига

Мислевме дека ова го има само во сала на мали голови, ама се случи и во професионален фудбал и тоа на европско меѓународно натпреварување.

Се работи за првото квалификациско коло од Конференциска лига меѓу Гленторан од Северна Ирска и Гзира од Малта.

Првиот меч заврши без голови, а реваншот мина низ драма која траеше повеќе од 120 минути, откако домаќините ја анулираа предноста на гостите дури во 13 минута од продолженијата за конечни 1:1.

По завршувањето на судиското продолжение без голови, мечот беше решен по дури 14 пенал серии или вкупно 28 удари од белата точка, што е рекорд на УЕФА натпревар.

Малтежаните обезбедија пласман во второ коло откако Гленторан утна пенал во 14-та серија, а најјакиот момент се случи во 12-та серија кога голманот на Гзира одбрани пенал, а додека се радуваше топката неочекувано влезе во гол. 

Коментаторот се избезуми.

21 јули 2023 - 14:58

Штета ако сте пропуштиле

Писма на читатели на кои сме им го заебале филмот

Важни соопштенија

Je Suis Dževad

Изненадувањата на Боровец