Аргентинска фешта во Буенос Аирес, бура од емоции и гол број 800 во кариерата на Меси

Светските прваци и по три месеци уште слават и си делат пехари за да има за сите јунаци. Монументал експлодираше на пријателски натпревар против Панама. Мајсторија на Меси од слободен удар.

Бандата на Скалони го одигра првиот меч после освојувањето на светската титула во Катар, пријателски кој се одигра во Буенос Аирес.

Славеа 2:0 со головите на Алмада и Меси. Капитенот ја крена на нозе публиката со гол од слободен удар, број 99 за репрезентација и 800 во кариерата.

И покрај тоа што беше пријателска, аргентинските фанатици направија незаборавна фешта. Меси и Скалони беа во солзи за време на жестокото скандирање, исто како и Емилиано Мартинез за време на интонирањето на химната. 

По завршување на мечот селекторот Лионел Скалони го зема микрофонот во раце и почна да скандира „Меси, Меси“, што наиде на делириум кај гледачите.

Сите фудбалери кои беа дел од Мундијалот добија реплика од светскиот пехар.

 

24 март 2023 - 08:45

Штета ако сте пропуштиле

Душко Радовиќ за почеток на годината

Зошто камиказите носеле шлемови?

Коста Бургов има нова музичка бомба

Коце, глеј ваму