Синот на аниматорот кој го режираше оригиналниот „Снежана и седумте џуџиња“ на Дизни, го искритикува новиот римејк на Дизни со Зеглер. За драмата пишувавме овде, а накратко - Зеглер се истрча да каже дека (парафразираме) оваа Снежана не е глупа како старата и не ѝ е битно дали ќе ја спаси принц, туку сама се бори, што потегна критики дека се демонизира аспирацијата да се вљубиш некогаш во животот, и дека им се мешаат во изборот на жените што едноставно не сакаат да бидат лидери.
„Оригиналниот цртан излезе во 1937 и тоа се гледа. Има голем фокус на нејзината љубовна приказна со човек што буквално ја следи. Чудно! Чудно! И не го направивме тоа овој пат,“ изјави Зеглер во октомври, 2022. „Направивме Снежана што... Нема да ја спасува принцот и нема да сонува за вистинска љубов; ќе сонува да стане лидерот што може да биде,“ рече во друго интервју.
Дејвид Ханд, кој има 91 година и чиј татко со исто име е еден од режисерите на старата „Снежана“, рече дека многу млади луѓе „не го ни гледале оригиналот“ и „немаат ни поим што зборуваат“.
„Мислам, тоа целосно поинаков концепт и воопшто не се согласувам и знам дека татко ми и Волт исто така не би се согласиле. Ги менуваат приказните, го менуваат начинот на размислување на ликовите... Измислуваат нови воук-нешта и воопшто не ми се допаѓа тоа. Искрено, малку ми е навредливо тоа што го прават со овие класични филмови. Нема никаква почит за тоа што го правеа Дизни и татко ми... Мислам дека тој и Волт се превртуваат во гроб.“
Зеглер на социјалните мрежи веќе има добиено етикета на псевдо-феминистка.
