- Единствениот облакодер во Париз неодамна го прослави својот 50-ти роденден, иако „прослави“ можеби и не е вистинскиот збор. На Твитер кога профилот на градот ѝ посака на Кулата Монпарнас среќен роденден, коментарите се движеа од „Ужас“ до едноставно „Не.“ и бонус: „Најлошото нешто што му се случи на Париз после Нацистите.“
- Изградена е во 1973, во една идеја (што ретко успева) „да се биде помодерен“ и единствените што кажуваат по некој пофален збор се архитекти.
- Врвот нуди панорамски поглед и што е поважно, единствениот панорамски поглед што не го вклучува овој објект.
- Ваква омраза има трпено и Ајфеловата кула додека била тазе.
- Фотографот Дерек Ц. Бласберг, денес соработник во Харперс Базар меѓу 2009 и 2012 се шетал со Канон Пауершот и го документирал светот на модата, уметноста и ноќната сцена во Њујорк.
- Книгата се вика Fast + Louche и е колекција на слики што ги правел за колумна со истиот наслов за магазинот Интервју.
- Самата колумна се развива од историјата на Интервју - Ворхол кој го има основано магазинот бил опседнат со дкокументирање на сопствените „излегувања и влегувања“.
- Книгата е сега сведоштво на едно друго комплицирано и слоевито време - далеку поедноставно од ова денес.
- Додека Лорен Безос (сегашната сопруга на Џеф Безос) се мачи да ја прифатат на холивудската и модната естрада, Мекензи Скот (бившата) се заветува дека „има да подарува додека не пресуши“.
- Ако само лани вкупните донации достигнале до 19,2 милијарди долари, скоро една третина - 7 милијарди - е од Мекензи Скот.
- Безос се ожени за неа во 1993, една година пред да го основа Амазон во нивната гаража дома. Имаат три сина и ќерка и се разделија во 2019.
- Скот, која сега има 56 години има донирано над 26 милијарди на над 2700 организации.
