Off Café › Набрзинка

Пасвордот на Лувр бил - „Лувр“

5 ноември 2025

Исто како на мејл да си ставиш „1234“, и заради такви луѓе и цел интернет не те пушта додека не си го закомплицираш. Ова нивното било на системот за надзор.
Ги предупредувале за ова уште од 2014, за на крај да завршиме со „кражбата на векот“.
Може ќе си појачаат обезбедување од нашите пари, ќе видиме.

19 јануари 2026

Може ќе се разочараат некои луѓе што го имаа како новогодишна одлука за 2026, ама - не е добро. Од длабочините на интернетот, што анонимно, што со име и презиме, изникнуваат луѓе што споделуваат дека зафатот brasilian butt lift доаѓа со неподнослива смрдеа.
Инаку, интервенцијата по популарност го надминува и зголемувањето на градите, но како и секоја интервенција, бара пост-оперативна грижа која експертите тврдат дека на пациентите баш и не им се прави.
Некои експерти сметаат дека една од причините е инјектирање премногу сало. Ние не би ништо, ама вие си знаете.

12 јануари 2026

И Оскарите и Златните глобуси, освен што даваат награда што ја лансира кариерата на секој добитник уште повисоко, даваат и gift bags полни „ситници“ што и оваа година достигнуваат вредност од милион долари.
Патувања на уникатни дестинации, престој на јахти, пристап до приватни авиони, производи за нега на кожа, гаџети, скап алкохол...
Звучи многу дарежливо и широкоградо, но се работи за разработени маркетиншки проекти.