- Секој актуелен и иден припадник на полицијата и МВР ќе треба да направи тест за интегритет, за да докаже дека има интегритет, предвидува новата верзија на Законот за внатрешни работи.
- Друга измена е дека вработениот на МВР треба „да не е член на политичка партија или член на органи и тела на политичка партија“, за што ќе даде писмена изјава.
- Во иднина секој вработен на МВР ќе треба да поднесе и анкетен лист со целосната имотна состојба, нешто слично како пратениците и функционерите, а секое зголемување на имотот во вредно од 20 просечни нето плати треба да биде пријавено во рок од 30 дена.
- Од Независниот полициски синдикат прашуваат до каде се тестовите за интегритет за доктори, политичари, министри, судии, обвинители, градоначалници...
- Романскиот министер за одбрана Јонут Моштеану поднесе оставка откако беше откриено дека пријавил лажна диплома за завршен факултет.
- Во својата биографија тој пријавил дека студирал на Универзитетот Атенеум од 1996 до 2000 година, но истрага на весникот Либертатеа покажа дека Моштеану никогаш не бил студент на Атенеум. Моштеану ја призна „грешката“ и објави дека всушност дипломирал во 1999 година на Универзитетот Биотера, кој е под истрага поради фалсификување дипломи.
- Дипломата за високо образование му била неопходна за да извршува одговорни државни функции, како советник во Министерството за транспорт и член на Управен одбор на државни компании.
- Откако Монтшану влезе во владата, компанијата за маркетинг што ја основал го зголемила прометот за три пати, а профитот за 23 пати.
- Својата оставка ја оправда како патриотски чин: „Романија и Европа се под руски напад. Нашата национална безбедност мора да се брани по секоја цена. Не сакам дискусиите за мојата обука и грешките што ги направив пред многу години да ги одвлечат вниманието на оние што сега ја водат земјата од тешката мисија“.
- Намибискиот политичар Адолф Хитлер Уунона повторно го задржа своето победничко место во неговата мала изборна единица и покрај неговото контроверзно име.
- На 59 годишниот политичар ова му е петти пат да победува на избори уште кога влегол во политика во 2004 година. Во истата изборна единица од околу 5.000 луѓе е омилен и победува и со 80% од гласовите.
- Иако го дели името со најозогласенот човек во историјата, политиките на овој Адолф Хитлер немаат врска со тоа. Член е на централно левичарската СВАПО (South West Africa People's Organisation), клучното движење чија борба доведе до независност на Намибија во 1990 година.
- Пред да биде дадена на управување на Јужна Африка, Намибија беше германска колонија па често биле давани германски имиња како Адолф, кое, патем, е и вистинското име на Дадо Топиќ.
