- Секој актуелен и иден припадник на полицијата и МВР ќе треба да направи тест за интегритет, за да докаже дека има интегритет, предвидува новата верзија на Законот за внатрешни работи.
- Друга измена е дека вработениот на МВР треба „да не е член на политичка партија или член на органи и тела на политичка партија“, за што ќе даде писмена изјава.
- Во иднина секој вработен на МВР ќе треба да поднесе и анкетен лист со целосната имотна состојба, нешто слично како пратениците и функционерите, а секое зголемување на имотот во вредно од 20 просечни нето плати треба да биде пријавено во рок од 30 дена.
- Од Независниот полициски синдикат прашуваат до каде се тестовите за интегритет за доктори, политичари, министри, судии, обвинители, градоначалници...
- Судскиот совет го разреши Беџети од Апелациониот суд Скопје за недолично однесување, односно за нарушување на јавниот ред и мир, откако претходно не беше разрешен што 9 месеци чуваше во фиока да застари предметот за масовното незаконско прислушување „Тврдина-Таргет“ каде обвинет беше Сашо Мијалков.
- За оваа злоупотреба на судиската функција, Беџети едвај беше казнет на 6 месеци помала плата.
- Членовите кои незаконски го штитеа Беџети, и за да го спасат од разрешување извршија пуч и ја избркаа Дамева од претседателското место, никогаш не понесоа одговорност за тоа.
- Единствено реагираше Стејт департментот кој го стави Енвер Беџети на црната листа на САД. На 9 декември 2024, Беџети беше означен за вклученост во значителна корупција, заедно со поранешниот вицепремиер Артан Груби.
- Вишиот кривичен суд ја намали затворската казна на тројниот убиец Филип Завадлав од 40 на 35 години, но неговиот адвокат рече дека не се задоволни од одлуката бидејќи тоа не била целта на нивната жалба и најави нова жалба до Врховниот суд.
- „Долго време таа група момци ме бркаа и сакаа да ме убијат а претходно ме тепаа. Пробував да најдам засолниште на некоја непозната локација. Долго време живеев во голем страв и не можев да спијам. Дури и во затвор морав да се тепам со дилери на дрога блиски на овие мрши за кои зборуваме“, изјави Завадлав.
- Неговото подолго објаснување на тројното убиство го имаме во статијата „Кога правдата се зема во свои раце“.
