Вести › Набрзинка

Вилма Русковска едногласно суспендирана

24 август 2022

Шефицата на одделението за гонење организиран криминал и корупција Вилма Русковска не успеа да го убеди советот на јавни обвинители да ја укине нејзината суспензија. Жалбата се отфрла, а се потврдува решението од државниот обвинител Љубомир Јовевски.
Сите осуммина членови кренаа рака ЗА таа да НЕ се врати на работа.
Причина за суспензијата кривичната пријава која против неа ја поднесе директорот на финансиката полиција во оставка, Арафат Муареми, по претресот за истрагата во таа институција.

извор

2.000 жртви на протестите во Иран

13 јануари 2026

Близу 2.000 луѓе, и демонстранти и припадници на силите за безбедност, досега загинале во масовните протести низ Иран, изјавил за Ројтерс анонимен функционер од Техеран. Тој не прецизирал по колку жртви има од секоја страна.
Од Техеран досега немало ниту едно официјално соопштение за бројот на загинати, а нема ни прецизни независни извештаи поради речиси целосната блокада на интернетот.
„Владата ги смета и безбедносните сили и демонстрантите за свои деца. Во рамките на нашите можности, се обидовме и ќе се обидеме да ги слушнеме нивните гласови, дури и ако некои се обидоа да ги злоупотребат протестите“, изјави портпаролката на владата Фатемех Мохаџерани.
Изворот на Ројтерс ги нарекол демонстрантите „терористи“, што сведочи за двоен пристап на властите кон протестите. Претседателот Масуд Пезешкијан вчера изјави дека „владата ја слушнала загриженоста на дуќанџиите“ и дека „вложува максимални напори да ги реши нивните економски проблеми“.
Пезешкијан ја префрли одговорноста за нередите врз терористи уфрлени од САД и Израел, во обид да го дестабилизираат Иран. „Тие обучија некои луѓе во земјата и потплатија терористи однадвор“, изјави претседателот.

извор

Претседателката на Молдавија сака обединување со Романија

13 јануари 2026

Претседателката на Молдавија, Маја Санду, вели дека би гласала за обединување на нејзината земја со Романија, ако прашањето стигне до референдум.
„Погледнете што се случува околу Молдавија денес. Погледнете што се случува во светот. Сè потешко е за мала земја како Молдавија да преживее како демократија, како суверена земја и да ѝ се спротивстави на Русија“, рече Санду за британскиот подкаст „Остатокот е политика“.

Молдавија беше дел од Романија од 1918 до 1940 година, кога беше анектирана од СССР. Независност прогласи во 1991 година по распаѓањето на Советскиот Сојуз.
На референдумот во 2024 година, тесно мнозинство Молдавци (50,4%) гласаа за членство во ЕУ.
Анкетите покажуваат дека околу две третини од Молдавците се против повторно обединување. Поддршката е традиционално поголема во Романија.

извор