Вести › Набрзинка

Судот во Лерин ги отфрли тужбите против македонскиот центар

19 март 2023

Судот во Лерин ги одби сите тужби против Центарот за македонски јазик регистриран лани во Лерин. Барањата за укинување на регистрацијата на овој центар беа поднесени од неколку ултранационалистички грчки движења, грчки здруженија од Австралија и Канада и од Златна зора.
„Ова е пријатно изненадување од грчкиот правосуден систем. Сега се надеваме дека ќе отвориме повеќе вакви училишта за македонски јазик и конечно македонскиот јазик да стане дел од образовниот систем во Егејска Македонија и новите генерации да го учат македонскиот јазик. Му благодариме на грчкиот судски систем за оваа правична одлука“, коментираат Македонците од Грција по социјалните мрежи.
Центарот за македонски јазик во Грција бепе регистриран лани и има за цел заштита и промоција на македонскиот јазик во Грција. Центарот одржуваше бесплатни онлајн курсеви по македонски јазик за почетници.

извор

Нашиот човек Илина: Како етнологијата ме избра мене (и зошто ти да ја одбереш)?

9 септември 2025

Кога требаше да се одлучам што да студирам, требаше да биде нешто поврзано со човекот, со неговата универзална потреба да го објаснува светот во којшто живее, да воспоставува и да одржува врски со други луѓе (затоа што сака или затоа што мора), да верува во нешто поголемо од самиот себе за така да пронајде ред во хаосот.
Денес, кога предавам на Институтот за етнологија и антропологија, се обидувам таа љубопитност за човекот и неговите приказни да ја пренесам и на студентите. На 20 годишнината од неговото постоење во рамки на Природно-математичкиот факултет и јас и моите колеги сме горди на постигнатото и на кадарот кој сме го произвеле.
Секогаш кога на празник ќе се наполни трпезата, кога ќе се запее некоја народна, кога ќе се кренат чашите и ќе се посака добро на домашниот, соседот, човекот, сетете се на етнологијата и антропологијата и на нивната моќ да ги разбира и да ги сплотува.

Види и:

Илина на ТЕД

извор

Детали за новата руска вакцина против рак

9 септември 2025

CAR-T-клеточната терапија е револуционерен метод на лекување, наречен „живо лекарство“, кој го репрограмира имунолошкиот систем на пациентот за прецизно таргетирање и уништување на канцерогените клетки.
Иако се нарекува „вакцина“, новиот препарат против рак не се дава на здрави луѓе за превенција, туку е имунолошки базиран лек кој ги стимулира Т-клетките да ги напаѓаат постоечките канцерогени клетки. Овој механизам го користи истиот принцип на активирање на имунолошкиот систем како и традиционалните вакцини (поради што се нарекува „вакцина“), но е наменет за лекување, а не за спречување на болеста, пишува Дејан Трајковски на Емитер.
Како функционира „вакцината“ (процес на лекување):
1. Земање на клетки: Од пациентот се зема крв, од која се изолираат Т-лимфоцити (Т-клетки), познати како „војници“ на имунолошкиот систем.
2. Генетска модификација: Во лабораторија, со помош на безопасен вирус, во Т-клетките се вметнува ген кој овозможува создавање на химерен антигенски рецептор (chimeric antigen receptor - CAR) на нивната површина.
3. Размножување: Модифицираните CAR-T-клетки се размножуваат во лабораторија до милијарди копии.
4. Вбризгување: Подготвениот индивидуален препарат се
враќа во телото на пациентот преку инфузија.
5. Напад: CAR-T-клетките циркулираат во телото, препознавајќи ги и уништувајќи ги канцерогените клетки кои носат специфична целна ознака (антиген).

извор