- Иако знаеле да се бават со „раскринкување“ на баналности (Вистиномер си ја извадија платата) и Фејсбук постови (Пазете со што се бават „Вистиномер), македонските „факт-чекери“ го игнорираат големиот медиумски скандал во кој про-владина медиумска групација стои зад платено ширење лажни вести на Фејсбук.
- Се работи за видео со Александар Николовски од ВМРО ДПМНЕ во кое негова изјава е монтирана така да се добие сосема спротивна смисла од она што било кажано.
- Проверувајќи ја позадината на видеото кое платено се дистрибуираше по Фејсбук, Богдан Илиевски обелодени дека зад оној кој платил за ширење пропагандата стои профил со телефонски број на Фронтлајн на Џабир Дерала.
- Дерала очајнички проба да демантира со две поенти, дека а) некој го злоупотребил нивниот телефон (Глупости као “Некој го злоупотребил бројот” не проаѓаат. За да можеш да спонзорираш политички објави, мора да си верифициран со телефонски број“, им напиша новинарот Кристијан Ландов) и б) дека видеото е сатирично (во видеото нема ни С од сатира, единствениот „хихирику“ момент е самиот демант).
- Новинари коментираат дека овој бизнис модел е сличен на оној на рекетарите, кога на газдата му правиш бељи во кафаната а потоа му нудиш заштита. Така и овде, ќе го полнат интернет просторот со лажни вести а потоа ќе се понудат (на некој грант) да се борат против лажните вести.
- Рускиот генерал Владимир Алексеев, заменик-шеф на Управата за воено разузнавање (ГРУ), е во критична состојба откако бил застрелан пред својот стан во Москва. Напаѓачот побегнал.
- Алексеев бил задолжен за надгледување на приватните воени компании во земјата. За време на бунтот на единицата Вагнер во 2023 година преговарал во име на Москва со паравоениот командант Евгениј Пригожин.
- Генералот е на американскиот список лица под санкции поради наводните обиди на ГРУ за мешање во претседателските избори во 2020 година. Британија му воведе санкции во врска со нападот со нервниот отров „новичок“ во Салисбери во 2018 година.
- Функционери во Москва ја префрлаат врз Киев одговорноста за нападот, извршен додека во Абу Даби делегации на двете земји преговараат за крај на војната. Во дискусиите е вклучен и Игор Костјуков, шефот на Алексеев.
- „Обидот за убиство на Алексеев е најдобриот начин да се блокираат преговорите, а единствен што би имал полза од таква ситуација е украинскиот претседател Володимир Зеленски“, изјави рускиот пратеник Алексеј Журављев.
- Околу 27 тони марихуана биле запленети во голема полициска акција спроведена во Скопје и во струмичкиот регион, според неофицијални извори. Ова би било најголемата заплена на дрога во историјата на државата.
- Акцијата ја спроведува МВР по насоки на Обвинителството за гонење организиран криминал и корупција, по повеќемесечна истрага за организирана криминална мрежа за нелегално производство и трговија со марихуана.
- Околу 10 тони марихуана биле складирани во кругот на поранешниот индустриски комплекс ОХИС во Скопје, каде што се наоѓа седиштето на компанијата „Алфафарм ДОО Скопје“.
- Компанијата била основана во 2023 година и е регистрирана за одгледување и преработка на лековити и ароматични растенија за фармацевтска употреба. Според податоците од Централниот регистар, фирмата располага со основна главнина од околу 529.000 евра, а сопственичката структура била менувана непосредно пред откривањето на дрога во Србија.
- При акција на српската полиција пред неколку дена во магацин близу Крушевац беа откриени 5 тони марихуана, за кои српските власти тврдат дека потекнуваат од Македонија.
