Се проценува дека во околу 47.000 академски списанија во светот, годишно се објавуваат приближно 3,5 милиони трудови.
Откако ЧетГПТ и другите големи јазични модели станаа дел од секојдневието, научните магазини и нивните редакции се преплавени од трудови честопати целосно напишани од вештачка интелигенција.
Професор по психологија била замолен да рецензира некој труд и меѓу цитираните рефренци видел и „негов“ труд кој никогаш не го напишал.
Ваквите трудови се пријавуваат сосе „халуцинациите“ што знаат да ѝ се случат на ВИ.
Вештачката интелигенција лесно може да напише лажен научен труд, да измисли референци и да генерира лажни слики, каква што беше илустрацијата во еден подоцна повлечен труд, на глушец со урнебесно несразмерни тестиси.
Володимир Зеленски го отфрли предлогот на германскиот канцелар Мерц за асоцијативно членство на Украина во Европската Унија, без да мора Киев да ги исполни строгите критериуми, но и да нема право на глас.
„Не е фер Украина да биде присутна во ЕУ, а да остане без глас. Време е да се продолжи со членството на Украина на целосен и значаен начин“, напиша Зеленски во писмо до европските лидери.
Тој додаде дека Украина дејствува како „бедем против руската агресија“ за целиот блок од 27 земји.
„Ја браниме Европа – целосно, не делумно и не со полумерки. Украина заслужува фер пристап и еднакви права во рамките на Европа“, додава премиерот, чија влада е потресена од низа скандали за корупција.
Европски функционери сметаат дека не е реално Украина да ги исполни условите за полноправно членство во следните неколку години. Пристапувањето бара и ратификација од сите 27 членки, што ја зголемува можноста за блокада или за развлекување на процесот.
Мобилниот оператор на семејството Трамп потврди дека поради безбедносна дупка протекле лични податоци за 27.224 луѓе што го нарачале новиот „златен“ мобилен телефон Т1.
На интернет биле откриени имиња, електронски и поштенски адреси на луѓето што платиле депозит за телефонот, вклучувајќи и идентификатори на нарачките.
Внатрешната истрага на TrumpMobile утврдила дека не се загрозени чувствителните финансиски податоци за платежните картички и банкарските сметки. „Нема повреди на мрежата, системите или на инфраструктурата“, изјави портпаролот Крис Вокер.
Телефонот Т1 во златна боја беше пласиран на пазарот со задоцнување од цела година. Раните купувачи се регистрираа и платија депозит од 100 долари, за да го добија телефонот по привилегирана цена од 499 долари.
Производителите отстапија од првичната најава дека телефонот целосно ќе биде произведен во САД и втиснаа погрешно американско знаме на позадината.
