- Годишно во Македонија се краде 5 отсто од испорачана струја. Според пресметките на А1Он, загубите на струја поради кражби се еднакви на потрошувачката во три градови со големина на Охрид, Прилеп и Гевгелија.
- ЕВН вели дека најпроблематични се Арачиново, Грчец, Сарај, Крушопек, Сингелиќ, Серава и Студеничани.
- Општина Арачиново е водена од ДУИ и градоначалникот Ридван Ибраими.
- Општина Сарај е водена од ДУИ и градоначалникот Блерим Беџети.
- Крушопек е село во Сарај, општина водена од ДУИ и градоначалникот Блерим Беџети.
- Грчец е село во Сарај, општина водена од ДУИ и градоначалникот Блерим Беџети.
- Студеничани е општина водена од ДПА и градоначалникот Азем Садику.
- Ченто е во Гази Баба, општина водена од ВМРО ДПМНЕ и градоначалникот Бобан Стефковски.
- Серава е во Бутел, општина водена од ВМРО ДПМНЕ и градоначалникот Дарко Костовски
- Глобалните трошоци за центри за податоци би можеле да достигнат 31.600 милијарди долари до 2050 година, за да се задоволи растечкиот апетит во светот за ВИ, проценува ревизорската куќа PricewaterhouseCoopers. Ако развојот на ВИ се забрза, сумата може да достигне 50.000 милијарди долари.
- За споредба: БДП на САД е околу 30.000 милијарди долари.
- САД, со 15.100 милијарди долари, ќе учествуваат со речиси половина од проектираните инвестиции. Следат регионот на Азија и Пацификот со 8.200 милијарди, Европа со 5.600 милијарди, Блискиот Исток со 1.100 милијарди и Африка со 255 милијарди долари, наведува PwC.
- Изградбата на центрите е еднократна инвестиција, но најголем дел од трошоците ќе биде за надградба и замена на чиповите, серверите, системите за складирање и другиот хардвер.
- „Железници. Електрификација. Интернет. Сите бараа огромни количини на капитал и дефинираа ера. Циклусот на инфраструктура на ВИ ги надминува сите три, се ресетира на секои четири до шест години и не му се гледа крајот“, се истакнува во извештајот.
- Прогнозата зависи од тоа колку брзо може да се воспостави сигурно снабдување со електрична енергија за центрите, како и од отпорот на јавноста. Најмалку 75 проекти, во вкупна вредност од околу 130 милијарди долари, беа блокирани или одложени поради спротивставување на локални власти во текот на првите три месеци од оваа година.
- Откако истече рокот на ултиматумот, криминалната група Rhysida вчера ги објави на „дарк веб“ личните податоци за вработените во Сенатот на Берлин, украдени во хакерски напад во август.
- Групата бараше откуп од 30 биткоини, еквивалентно на приближно 2 милиони евра, за да не ги објави податоците, кои опфаќаат лични документи, пресметки за плата, лекарски уверенија, како и информации за кадровски прашања и препораки за вработување.
- За слободен преглед достапни се и доверливи документи од комисии, анализи на ранливоста на системот за водоснабдување во Берлин, телефонски броеви на вработени во критичната инфраструктура, како и доверливи упатства за цивилна заштита.
- „Правилно е што не се попушта пред уцени. Но, неприфатливо е тоа што со денови се краделе крајно чувствителни податоци, а единствената реакција е упатство до вработените да ги сменат лозинките. Тоа укажува на беспомошност“, изјави Торстен Шлехајдер од полицискиот синдикат GdP.
