Вести › Набрзинка

Разбираат ли Бугарите хрватски?

20 септември 2022

Неколку цртички од хрватската енциклопедија на тема Македонци:

- Македонците, автохтон јужнословенски народ, населен е најмногу во Македонија, но се автохтоно население и во Пиринска Македонија (Бугарија) и Егејска Македонија (Грција).

- Според проценките, во Бугарија живеат околу 250.000, а во Грција околу 200.000 Македонци.

- Во 19 век се засилуваат обидите за наметнување грчки јазик во црквата и наставата. Како отпор на тие тенденции настанувааат две школи - една тежи кон изградба на заеднички стандарден јазик за Македонците и Бугарите, а другата се изјаснува за самостоен македонски стандарден јазик. Решавачка е книгата на Крсте Мисирков „За македонцките работи“ во која се предлага воведување македонски јазичен стандард на основа на југозападните и централните македонски дијалекти.

- За потребите на Моравската мисија, Кирил и Методиј на старословенски ги преведуваат најбитните литургиски книги. Јазична основа на старословенскиот бил говорот на македонското население од околината на Солун.

извор

Пресуда на невладините: Пет влади од ЕУ го уриваат владеењето на правото

31 март 2026

Бугарија, Хрватска, Унгарија, Италија и Словачка активно спроведуваат регресивни политики и „упорно и намерно“ го еродираат владеењето на правото.
Заклучокот е изведен од наводи на преку 40 невладини организации во 22 земји.
Во Словачка и Бугарија има назадување во сите области - правда, борба против корупцијата, слобода на медиумите и контрола и рамнотежа на граѓанското општество.
Унгарија е вон конкуренција а Чешка, Естонија, Грција, Ирска, Литванија, Холандија, Романија и Шпанија стагнираат.
Само Латвија заслужува пофалби заради активното подобрување на стандардите за владеење на правото.

извор

39 полицајци направиле пропусти во пријавите на Ивана

31 март 2026

За само два случаи - пријавите на Ивана Стојаноска против сопругот Стојанче Јовановски и пријавите на убиената Росица Коцева против експартнерот Илија Стефановски - вкупно 40 полицајци се под истрага на Внатрешната контрола на МВР.
МВР утврди пропусти кај 39 полицајци кои постапувале по пријавите на Ивана, кога барала спас од семејното насилство кое, според Обвинителството, траело седум години.
За 11 пријавени полицајци од СВР Велес, уште се истражува дали ја оставиле незашитена убиената Росица, која пријавувала насилство од Стефановски кој ја уби во нејзиниот дом на 15 септември 2025, откако го уби и татко ѝ Киро, а потоа се самоуби.
Се проверува и постапувањето на полицајците кои постапувале во Нагоричане, каде 25-годишниот Трајко Бојковски уби две жени, додека се чека да се утврди дали има уште една жртва. Наредени беа две ексхумации на тела, бидејќи претходно, жртвите биле заведени дека починале од природна смрт, пишува Скопје1.мк

извор