Вести › Набрзинка

Преговорите меѓу Русија и Украина започнуваат во 10 часот

28 февруари 2022

По вчерашниот неуспешен почеток, денес украинската делегација се очекува да се појави на преговорите во белоруски Гомел, закажани за 12 часот по белоруско (или 10:00 по македонско) време.
Украина се согласи на преговори со Русија „без никакви предуслови“.
Во обраќањето, украинскиот претседател Зеленски порача дека не очекува успех на преговорите, ама „остави ги нека пробаат за утре граѓаните на Украина да не се сомневаат дека јас, како претседател, не сум се обидел да ја запрам војната“.
Градот Гомел се наоѓа во близина на белоруско-украинската граница и беше избрана од украинска страна како место за одржување на преговорите.
Преговарачи од укранска страна се:

Министерот за одбрана Олекси Резников.
Заменик министерот за надворешни работи Николај Точитскиј.
Советникот на кабинетот на претседателот, Михаил Подолјак.
Координаторот на владејачката партија „Слуга на народот, Давид Архамија.
Пратеникот, Илми Умеров.
Првиот заменик во украинската делегација во тринстраната контакт група, Андреј Костин.
Од руска страна се:

Помошникот на претседателот на Руската федерација, Владимир Мединскиј.
Рускиот амбасадор во Белорусија, Борис Грјизлов.
Претседателот на меѓународниот комитет на Думата, Леонид Слуцкиј.

извор

Трамп сакал да му продаде американско оружје на Си

28 септември 2026

Доналд Трамп го прашал Си Џинпинг дали Кина сака да купи американско оружје, изјави амбасадорот на САД во Пекинг, Дејвид Пердју. Не прецизира дали понудата ја дал на самитот во Вашингтон пред неколку дена или во Пекинг во мај.
„Претседателот Трамп постојано вели дека САД продаваат оружје низ светот. Тој всушност во еден момент го праша претседателот Си дали би сакал да купи“, изјави Пердју за Фокс њуз.

„Законот на САД забранува продажба на оружје на Кина и не постои понуда или план за продажба на оружје на Кина“, соопшти Стејт департментот.
Спроти самитот во мај, Трамп ја одложи продажбата на пакет американско оружје за Тајван во вредност од 14 милијарди долари како „добар адут за преговори“ со Пекинг.
Пердју потврди дека САД не ја промениле својата политика во однос на Тајван: го почитуваат ставот на Пекинг „Една Кина“, но во исто време му даваат безбедносна поддршка на Тајпеј.

извор

ЕУ отвора забрзан пат за четири кандидати, ние не сме меѓу нив

28 септември 2026

Европската Унија првпат планира да одреди целни датуми за завршување на клучните фази од преговорите за пристапување со Црна Гора, Албанија, Украина и Молдавија, изјавија за Политико функционери од Брисел.
Овој пристап содржи „патокази“, кои појасно ќе дефинираат што точно се очекува од секој кандидат. Во исто време ќе се дефинираат и обврски за сегашните членки на ЕУ, кои треба да дадат согласност за да продолжи процесот.
На другите земји-кандидати кои се во „порана фаза од процесот“, како Косово, Македонија и Босна и Херцеговина, нема да им бидат понудени овие патокази. Истото важи и за Грузија, Србија и Турција.
Ревизијата на политиките, предводена од Александар Адам, близок советник на претседателката на Европската комисија Урсула фон дер Лајен, треба да биде претставена на 6 октомври, а шефовите на држави од ЕУ ќе расправаат за темпото за прием на нови членки на самитот во Брисел на 15 и 16 октомври.
Фон дер Лајен оваа недела оди на турнеја низ Западен Балкан на разговори со лидерите на Црна Гора, Албанија, Македонија и Косово. Ќе ги заобиколи Босна и Херцеговина и Србија, кои се пред избори.

извор