Десничарскиот руски политичар цели три децении беше присутен на политичката сцена благодарејќи на својата провокативност, егзибиционизам и жестоки критики на западот.
Бараше Русија да ѝ ја земе Аљаска на Америка а на југ да дојде до онаму каде што руските војници ќе можат да си перат чизмите во Индискиот океан.
Му беше опозиција на Путин но го подржуваше во клучни моменти како што беше анексијата на Крим.
Во 2016 година апелираше Американците да гласаат за Трамп бидејќи ако победи Хилари, таа ќе не вовлече во нова светска војна, со „Хирошима и Нагасаки насекаде.“
Актуелната претседателка Илијана Јотова и поранешниот премиер Андреј Ѓуров освоија најмногу гласови во првиот круг од изборите во Бугарија и ќе се соочат во вториот круг по една недела.
Излезноста на гласачите во првиот круг била едвај над 22%, најниска од кои било избори по соборувањето на комунистичкиот режим. Досега во ниту еден прв круг не паднала под 40%.
Јотова добила 34,7% од гласовите, а Ѓуров 32%. За победа во првиот круг им беа потребни 50% од гласовите, при одѕив од 50%. Во вториот круг нема праг за излезност, а победник е тој што ќе освои повеќе гласови.
Јотова стана претседателка во јануари откако Румен Радев поднесе оставка за да настапи на парламентарните избори.
Функцијата претседател е главно церемонијална, но вклучува овластувања за командување со вооружените сили, ставање вето на закони и именување преодни влади за време на политички кризи.
Луиз Инасио Лула да Силва го освои и четвртиот претседателски мандат во Бразил по драматичен пресврт помеѓу двата круга од изборите. Со тесна разлика од 51,7% наспроти 48,2% од гласовите го победи Флавио Болсонаро – синот на затворениот поранешен претседател Жаир Болсонаро.
Во првиот круг Флавио Болсонаро победи со разлика од 2% и предизборните анкети укажуваа дека ќе ја задржи предноста. Откако Бразил ја отфрли диктатурата, ниту еден кандидат кој губел во првиот изборен круг не станал претседател.
Болсонаро не го призна поразот поради одлуката на Врховниот суд на денот на изборите да го продолжи гласањето за два часа, наводно поради проблеми со јавниот превоз во неколку сојузни држави. Одлуката ја донел судија во Врховниот суд кој порано му бил личен адвокат на Лула.
Левичарот Лула во кампањата ветуваше отпишување долгови, бесплатен јавен превоз за време на викендите и финансиска помош за студенти од сиромашни семејства. Противниците го обвинија дека купува гласови, бидејќи ветените мерки финансиски ќе го осакатат Бразил.
