- Будимпешта е прогласена за највалкан град на светот.
- Биле анализирани 70.000 интернет рецензии на 100-те најпопуларни урбани дестинации на Евромонитор и потоа во нив се барале термини поврзани со хигиената.
- Во дури 37.9% од рецензиите за унгарската метропола, во врска со темата биле спомнувано ѓубре или лошо одржување.
- Веднаш после Будимпешта е Лас Вегас а во Топ 10 доминира Италија со четири претставници: Рим, Фиренца, Милано и Верона. Таму се и Париз, Франкфурт, Брисел и Каиро.
- Прв во Топ 10 листата на најчисти градови е полски Краков а таму се и Варшава, Доха, Ријад, Сингапур...
- Испораките на сурова нафта преку Ормускиот проток во изминатата недела се приближија речиси до нивото пред војната на САД со Иран. Разликата е што американската поморска блокада не дозволува транспорт на иранска нафта.
- Според податоци на Kpler, седумдневниот просек на транзит во понеделникот достигнал 13,5 милиони барели на ден, колку што бил и во февруари од земјите од Персискиот залив, без Иран.
- Извозот на Саудиска Арабија од 6,4 милиони барели на ден го надминал просекот од 5,4 милиони барели во 2025 година. Дел од својата нафта Саудијците извезуваат и преку Црвено Море.
- Сепак, глобалната криза со гориво продолжува бидејќи протокот на рафинирани нафтени производи е 677.000 барели на ден, за разлика од 3,6 милиони барели пред да почне војната.
- Русија и Кина објавија забрана за извоз на дизел. Со забрана за извоз се закани и американскиот претседател Трамп, кој ги притиска европските земји да почнат да ги користат своите стратешки резерви на гориво за да ги спуштат цените на бензинските пумпи.
