Советник на американскиот државен секретар му рекол на новинарот Мајкл Шаленбергер дека Марко Рубио верува дека основниот наратив во филмот „Age of Disclosure“ не е далеку од вистината и дека одиме кон обелоденување на голема тајна.
Рубио верува дека елементи во американската влада оживеале технологија од вонземна интелигенција, ја реконструирале и им дозволиле на приватни воени изведувачи да ја контролираат, со што би можеле да ја поткопаат националната безбедност на САД.
Голем ризик е на корпоративни субјекти да им се пренесе технологија на која денес уште не сме ѝ нашле примена, вели Рубио.
Забелешките на Рубио се толку директни што може да се шпекулира дека се официјален увод за обелоденување голема приказна и тестирање на реакциите на јавноста пред евентуално официјално соопштение од претседателот.
Доналд Трамп по едночасовниот телефонскиот разговор со Владимир Путин најави дека САД би можеле да укинат санкции за нафта за „некои земји“ за да го ублажат недостигот во светот поради војната на САД и Израел против Иран.
„Имаме санкции за некои земји. Ќе ги укинеме тие санкции сè додека не се отвори Ормускиот теснец“, изјави Трамп без да наведе детали.
Ова се толкува како повик за олеснување на санкциите за извозот на руска нафта. Минатата недела САД привремено ја ослободија Индија од заканата за санкции ако купува руска нафта.
Путин веќе сигнализираше дека Русија е подготвена да ја снабдува Европа со нафта и гас.
Унгарија ја повика Европската Унија веднаш да ги укине санкциите за увоз на енергенси од Русија.
„Континентот сега се соочува со двоен шок во снабдувањето... бидејќи ЕУ веќе го забрани увозот на руски енергенси. Сега, конфликтот на Блискиот Исток го намалува и глобалното снабдување. Ако Брисел ги задржи санкциите на сила, тоа ќе предизвика сериозна штета на европскиот народ и на европската економија. Фокусот треба да биде на заштитата на интересите на Европејците, а не на идеологијата“, додаде Сијарто.
„Се вратив во живот!“, порача српскиот министер за внатрешни работи, Ивица Дачиќ после двонеделна сериозна здравствена криза поради билатерална пневмонија, обелоденувајќи дека конзилиумот му најавил дека лекувањето ќе може да го продолжи дома.
„Тој црн ден јасно ми покажа кој и што треба да ми се приоритети. Ден во кој почнав да заминувам од животот. Пет дена без свест на ивица меѓу животот и смртта,“ напиша Дачиќ заблагодарувајќи им се на сите мои се молеле за него и особено „на мојот брат Александар Вучиќ.“
Ја сподели песната „Се враќам животе,“ која пред 15 години заедно ја пееле со Кемал Монтено.
