Со голема воена парада на Црвениот плоштад во Москва, Русија денеска ја одбележува 80-годишнината од советската победа над Нацистичка Германија во Втората светска војна.
Парадата годинава е во фокусот поради политичките и безбедносните контексти. Русија прогласи еднострано тридневно примирје, кое Украина официјално не го прифати, но вчера и денеска се воздржува од напади врз Москва.
Во главната ложа, покрај претседателот Владимир Путин, се лидерите на повеќе од 20 земји, на чело со кинескиот претседател Си Џинпинг и бразилскиот Луиз Инасио Лула да Силва.
Од европските лидери, во ложата се српскиот претседател Александар Вучиќ, словачкиот премиер Роберт Фицо и претседателот на Република Српска.
