- „Криминалци бркаат полицајци. Упаѓаат вооружени во полицијата во Арачиново и полицајците бегаат, биле избркани од полициско одделение.Четворица полицајци добиле наредба од претпоставен да се повлечат од полициски пункт, и од Арачиново да заминат во Гази Баба, само затоа што е направена контрола. Сопреле возило без валидни документи“, вели Наум Стоилковски од ВМРО-ДПМНЕ.
- „Немаме пријава од полициски службеници, ниту од граѓани дека имало напад, па макар и вербален. Но, има пријава за недолично однесување на полицајците коишто биле на терен. Се вршат проверки од страна на крим-полиција и внатрешна контрола на МВР, вели министерот Оливер Спасовски.
- Последните вести од Арачиново беа дека:
- тоа е општина која поторшила пет пати повеќе струја од лани; дека...
- Општината што не собира данок на имот доби над 1 милион евра субвенции од буџетот; дека...
- Екс првата дама на Арачиново оди во инспектори; дека....
- Арачиново е една од општините во кои се краде струја колку што трошат три града како Охрид, Прилеп и Гевгелија; дека....
- Арачиново 20 години не наплаќало данок на имот зашто немале софтвер; дека....
- Полицајците во Арачиново не казнуваат оти немале казни; дека...
- Дека Владата на Заев на Арачиново му даде половина милион евра „помош за ковид“ откако во Арачиново не беше најдена сета марихуана која беше украдена од Јосифово...
- Америка повеќе нема да биде посредник во мировните преговори помеѓу Русија и Украина, објави Стејт департметнот.
- САД ќе останат во процесот и нема да одбијат помош, но повеќе нема да „летаат“ низ светот на состаноци.
- Го менуваме начинот на кој придонесуваме за преговорите. Повеќе нема да летаме по светот на секој повик за одржување состаноци, соопшти Стејт департментот.
- Киев и Москва мораат да дадат конкретни предлози за крај на војната и директно да се сретнат за да го надминат судирот.
- Претседателот Доналд Трамп наводно е се повеќе фрустриран од однесувањето на Владимир Путин. Разузнавачките служби во новите извештаи тврдат дека позицијата на Путин е ослабена и дека ги ревидирал воените цели кон зачувување на окупираните територии во Украина.
- Одлуката е донесена само еден ден по договорот со Украина за заедничко експлоатирање на нејзините минерални богатства во замена за одбранбена поддршка од САД. Трамп ја одобрил и првата испорака на оружје за Киев откако го почна својот втор мандат.
- Алтернатива за Германија, моментално најпопуларната партија во земјата, е прогласена за „екстремистичка“ и „закана за демократијата“ од службата за внатрешно разузнавање.
- Екстремистичкиот статус на АфД не го спречува нејзиното дејствување, но на службите за безбедност им овозможува легално да користат тајни методи за да ја надгледуваат работата на партијата, како пресретнување комуникации и врбување информанти.
- „АфД претставува етнички концепт што е дискриминирачки кон групи од населението и ги третира граѓаните со мигрантско потекло како Германци од втора класа“, изјави министерката за внатрешни работи во заминување Ненси Фезер.
- АфД на изборите во февруари освои 20,8% од гласовите и сега има втора според бројност пратеничка група во Бундестагот. Анкета спроведена пред една недела покажува дека АФД е најпопуларна партија, со рејтинг од 26%, пред конзервативците со 24%.
