- Генералното собрание на Обединетите нации со огромно мнозинство гласови усвои нова декларација за поддршка на формирањето држава на Палестинците, покрај Израел, но без влада на Хамас.
- За декларацијата гласаа 142 членки на ОН, а 10 беа против. Македонија беше меѓу 12-те воздржани, покрај Албанија, Чешка, Камерун, ДР Конго, Еквадор, Етиопија, Фиџи, Гватемала и Јужен Судан. Меѓу деветте земји што му изразија поддршка иа Израел и гласаа против беа и САД и Унгарија.
- Во документот се осудуваат нападите на Хамас врз Израел на 7 октомври 2023 година, како и нападите на Израел врз цивили и цивилна инфраструктура во Газа, опсада и изгладнување на Палестинците што резултирало со хуманитарна катастрофа.
- Шефот на француската дипломатија Жан-Ноел Баро изјави дека резолуцијата обезбедила меѓународна изолација на Хамас. „Денес прв пат ОН усвоија текст во кој се осудува Хамас поради злосторства и се повикува да се предаде и да се разоружи“, изјави Баро.
- Декларацијата нема обврзувачки карактер и се смета за вовед во средбата на светските лидери на 22 септември, на која се очекува Франција и Британија официјално да ја признаат палестинската држава.
- Американскиот претседател Доналд Трамп би можел веќе наредните денови да нареди нуклеарен напад врз Иран, тврди конзервативниот коментатор Такер Карлсон.
- Според неговите информации, израелскиот премиер Бенјамин Нетанјаху секојдневно врши силен притисок врз Трамп да го одобри нападот а тој би можел да донесе одлука до 7 ноември.
- Мета би била планината Пикакс во централен Иран, каде што, според израелските разузнавачки информации, иранската влада ја рестартирала својата програма за збогатување ураниум.
- Карлсон оцвенува дека Нетанјаху е во незавиодна положба по изборите и дека не може да формира влада без директно посредништво на Трамп, за поддршка од најмалку 61 член на Кнесетот.
- Во спротивно Нетанјаху би го изгубил премиерското место и би се соочил со истраги а можеби и затвор.
- „Нетанјаху мора да остане близок до Трамп. Нему му е потребна оваа војна“, напиша Такер Карлсон.
- Министерството за дигитална трансформација (МДТ) информира дека до Агенцијата за електронски комуникации (АЕК) е доставен нов налог за блокирање дополнителни 104 веб-страници преку кои нелегално се приредуваат онлајн игри на среќа.
- Со тоа, вкупниот број налози за блокирање достигнува 462.
- АЕК е должна во рок од пет дена од неговото добивање да го проследи до операторите на електронски комуникациски мрежи. Операторите треба веднаш да постапат по налогот и да го ограничат пристапот до наведените веб-страници, со прикажување соодветно известување за причината за блокирањето.
- „Воедно, ги повикуваме родителите и старателите да посветат дополнително внимание на онлајн активностите на децата и да разговараат со нив за ризиците во интернет-просторот“, порачуваат од министерството.
