Тони Блер, војвотката од Корнвел и баронесата Амос по личен избор на кралицата, стануваат членови на најстариот британски благороднички круг, тн. Редот на подвезицата чие мото е „Honi soit qui mal y pense“ (во слободен превод: „Да му умре мајка на оној кој на друг јама му копа“).
Кралицата има право на максимум 24 живи придружници од овој ред (моментално има 21). Поранешниот премиер добива титула Сер, а баронесата Амос, некогаш министерка во лабуристичката влада, сранува прва црнкиња во Редот.
67 годишната Амос и 68 годишнипот Блер се најмлади членови на редот. Под лидерство на Блер, Британија тргна во американската војна против Ирак и Авганистан.
Киев и Москва меѓусебно се обвинуваат за прекршување на еднодневното Велигденско примирје, кое го објави рускиот претседател Путин, а го поддржа Зеленски.
Путин вчера објави дека руските сили ќе ги прекинат сите воени активности на фронтот до вечер на полноќ.
Зеленски изјави дека Русите го прекршиле примирјето со 26 напади до денеска на пладне.
Руското Министерство за одбрана возврати дека украинските сили отвориле оган врз руски позиции 444 пати и извршиле повеќе од 900 акции со дронови.
Американскиот државен секретар Марко Рубио во петокот се закани дека САД ќе се повлечат од посредувањето за крај на војната ако за неколку дена не видат јасни мировни напори од двете земји.
Астронаутот Дон Петит на својот 70-ти роденден безбедно се врати на Земјата, по 220-дневна мисија на Меѓународната вселенска станица.
Со руското летало „сојуз м-26“ во Казахстан се вратија и космонаутите Алексеј Овчинин и Иван Вагнер.
Петит е еден од највозрасните астронаути што престојувал во вселената. Најстариот сè уште е Џон Глен, кој беше во мисија на НАСА на возраст од 77 години.
Петит во својата мисија 3.520 пати ја обиколил Земјата. Тој на орбиталната станица спроведувал истражувања за тридимензионално печатење, напредни санитарни технологии, развој на растенија со различен пристап до вода и за однесувањето на оган во микрогравитација.
