Вести › Набрзинка

Гзот ќе си го искинат за пари

7 јануари 2022

Стефани Мато имаше чувство дека буквално седи на злато, сè додека не заврши од болница затоа што премногу злато истиснала од себе.
Пишувавме за неа, 31 годишна девојка која продаваше прдежи во тегла и од тоа заработуваше 50 илјади евра неделно.
Завршила во болница заради претерано производство што довело до симптоми слични на инфаркт а најверојатно е виновен нејзиниот режим на исхрана кој се состоел главно од грав, јајца и банани.
Стефани знаела да „наполни“ и по 50 тегли дневно кои ги продаваше од 500 до 1.000 долари и себе се нарекуваше фартепренур.
По истиот бизарен механизам по кој нејзините прдежи станаа производ, по најавата за нејзино пензионирање, на теглите кои се во оптек веројатно ќе им се качи цената.

извор

Бугарска пропаганда во .мк руво

24 јули 2026

Повеќе интернет-портали и фејсбук-страници на македонски јазик кои се дизајнирани да наликуваат на медиумски редакции од земјава се, всушност, експозитури на бугарската Фондација „Македонија“ на контроверзниот Виктор Стојанов.
Речиси 140 илјади профили ги следат овие страници само на Фејсбук, пишува Александар Димитриевски на 360 степени.
Најголем дел од содржините пласирани во мрежата на портали и страници на социјалните медиуми се вообичаени, но дел се презентирани на начин што предизвикуваат жестоки дебати за односите меѓу Македонија и Бугарија, за односите меѓу Македонците и Албанците и слично.
На прашањата зошто овие портали не објавуваат импресум и издавач, како се финансираат со оглед на тоа дека немаат значајна комерцијална активност на веб-страниците на споменатите портали и која им е целта со објавата на содржини кои провоцираат говор на омраза на социјалните мрежи, Виктор Стојанов им одговорил: „Вие сте државен медиум на Република Северна Македонија, каде што до неодамна министерот и вицепремиер беше човекот на Путин во Скопје – Иван Стоилковиќ. На вас ли бе да даваме објаснувања? Ќе ве прогонуваме до крај. Чао.“

извор

Се гаси „Портата кон пеколот“ во Туркменистан, се отвори друга во Венецуела

24 јули 2026

По 54-години горење, се гаси „вечниот“ оган од кратерот Дарваза во Туркменистан, кој со времето стана туристичка атракција позната како „Порта кон пеколот“. Интензитетот на огнот за три години се намалил за 75% откако беа ископани нови бунари за да ги ослободат резервите на метан.
Огнот во 1971 година го запалиле советски инженери за да затворат неупотреблив извор на гас од пештера, но не процениле колку се големи резервите.
Додека се гаси огнот во Туркменистан, се отвори нова на другиот крај на светот - во Венецуела. Селани од местото Мачадо побарале помош откако од пукнатини во земјата се појавил оган.
Геолози и експерти од Цивилната заштита утврдиле дека се запалиле резерви на јаглен кои поради лизгање на земјиштето дошле во контакт со кислород. Се утврдува длабочината и површината на јаглената жила за да се направи стратегија како да се изгасне огнот.
„Нема потреба од тревога меѓу населението. Ова е целосно сув предел, без вегетација што би овозможила ширење на површински пожар“, објасни Канал Јеснардо, директор за цивилна заштита во регионот Тачира.

извор