Јоги Бера е легендарен играч кој одигра 19 сезони за њујоршките Јенки. Заедно со соиграчите од калибарот на Ди Маџио и Мики Мантл суверено владеат со американската безбол лига. Има освоено 10 шампионски титули и учествувано во рекорден број финалиња.
Јоги Бера е инспирација за познатиот цртан лик Yogi Bear, мечката Јоги. Не му е тоа баш најдраго па едно време размислува и да ги тужи Хана Барбера за тоа.
Она по што е најпознат за пошироката јавност се неговите налудничави но ужасно згодни коментари и изреки (некои од нив апокрифни), кои добиваат и жанровска титула - јогизми. Најчесто се работи за премногу очигледни тавталогии или парадоксални контрадикции кои во себе имаат не само хумор туку и мудрост. Од овој тип:
- Половина од лагите што ги зборуваат за мене не се вистина.
- Можеш многу да видиш само со гледање.
- 90 посто од безболот е во главата. Другата половина е во телото.
- Ако не му отидеш на погреб, и тој нема да дојде на твојот.
- Направивме многу погрешни грешки.
- Денарот денеска не вреди ни пет пари.
- Ако не можеш да го имитираш, не го копирај.
- Честитам. Знаев дека рекордот ќе остане сè додека некој не го сруши.
- Пресечи ми ја пицата на четири парчиња, шест ми се многу.
- Немаше да нè победиш ако ние те поразевме.
- Никогаш не враќај писма на непознат испраќач.
- Обично дремам по два часа, од еден до четири.
- Иднината не е тоа што некогаш беше.
- Сè порано станува доцна.
- Треба да си внимателен ако не знаеш каде одиш бидејќи можеш и да не стигнеш таму.
- Ги немам кажано повеќето работи што сум ги кажал.
- It ain't over till it's over.
