- Нова Македонија дошла до информации дека отстапката за Самоил од македонска страна е направена непосредно пред зачленувањето на Македонија во НАТО, со цел да не настанат компликации околу приемот во оваа воена организација.
- Досегашното работење на комисијата за историски и образовни прашања беше проследено со доста контроверзии. Била усогласена препорака за Григор Прличев, но Бугарите подоцна се повлекоа поради тоа што во препораката се вели дека тој бил значаен и за македонската култура.
- Работата на историската комисија се проблематизира и со оставката на проф. д-р Ванчо Ѓорѓиев, кој посочи на надворешни мешања и политички притисоци во работата на комисијата.
- ОМО Илинден пред некој ден праша: Што правеше претседателот на историската комисија Драги Ѓоргиев сам во Софија, без другите членови на комисијата?
- После 25 години растење во еден од најјаките музички фестивали во Европа, Егзит се сели од новосадската Петроварадинска тврдина во Египет.
- Во партнерство со светски познатата продуцентска куќа за настани, Venture Lifestyle, организаторите на Егзит потпишале договор за египетска компанија, догодина фестивалот да се одржи на просторот пред египетските пирамиди.
- На ваков чекор се решиле после долгогодишни политиички притисоци во Србија каде беа користени за политички пресметки а им беше укинато и институционaлното финансирање.
- Финска официјално ги извести Обединетите нации дека се повлекува од Конвенцијата од Отава за забрана на противпешадиски мини. Одлуката ќе стапи на сила по шест месеци, во јануари 2026 година.
- Уште четири членки на НАТО - Литванија, Летонија, Естонија и Полска, најавија дека ќе се повлечат од меѓународниот договор за забрана на мини, поради „зголемена воена опасност“ од својот сосед Русија. Украина се повлече и ги користи во војната.
- Финска и Литванија најавија дека од 2026 година ќе почнат домашно производство на мини за сопствени потреби и за да ѝ ги доставуваат на Украина.
- „Финска мора, заради безбедноста на залихите, да има сопствено производство. Тие се многу ефикасно и евтино оружје“, изјави шефот на парламентарниот комитет за одбрана Хеики Ауто. Тој додаде дека Финска имала 1 милион противпешадиски мини пред да ѝ се приклучи на меѓународната конвенција во 2011 година.
- Литванскиот заменик министер за одбрана Каролис Алекса изјави дека неговата земја ќе потроши стотици милиони евра за поттикнување производство на противтенковски и противпешадиски мини.
