Вести › Набрзинка

Го дале Самоил за да немаме проблеми со НАТО?

17 август 2022

Нова Македонија дошла до информации дека отстапката за Самоил од македонска страна е направена непосредно пред зачленувањето на Македонија во НАТО, со цел да не настанат компликации околу приемот во оваа воена организација.
Досегашното работење на комисијата за историски и образовни прашања беше проследено со доста контроверзии. Била усогласена препорака за Григор Прличев, но Бугарите подоцна се повлекоа поради тоа што во препораката се вели дека тој бил значаен и за македонската култура.
Работата на историската комисија се проблематизира и со оставката на проф. д-р Ванчо Ѓорѓиев, кој посочи на надворешни мешања и политички притисоци во работата на комисијата.
ОМО Илинден пред некој ден праша: Што правеше претседателот на историската комисија Драги Ѓоргиев сам во Софија, без другите членови на комисијата?

4 септември 2025

Ханс Јоаким-Кинд, кандидат на десничарската партија АфД почина во пресрет на изборите во Северна Рајна Вестфалија, разгорувајќи ги гласините дека нешто чудно и бизарно се случува на кандидатите на партијата која е во налет на популарноста.
„Ова статистички е речиси невозможно“, сподели ко-претседателската на партијата Алис Вајдел, откако шест кандидати на АфД „ненадејно и неочекувано“ починаа во рок од две недели.
Во истиот период починаа и двајца кандидати од резервната листа на АфД.
Ок, Ханс Јоаким-Кинд имал 80 години.

3 септември 2025

Претседателката Гордана Сиљановска – Давкова вели дека не го разбира предлогот на СДСМ за изготвување резолуција со црвени линии. Таа додава дека Собранието до сега донело повеќе декларации кои не биле почитувани.
„Ние дури и референдумски резултат не почитувавме, а камо ли црвени линии. Не разбирам што значи црвена линија во овој поглед, особено не ја разбирам аргументацијата дека доколку сепак соседот посегне по вето ние тогаш ќе ги прекинеме преговорите. Да, ќе ги прекинеме преговорите и тоа му одговара на соседот ама ќе го смениме Уставот по 37. пат“, вели таа.
„Нека седнат во Собранието нека се договорат пред да даваат изјави во Брисел да постигнат консензус за тоа како ќе се однесуваме. Ако така се однесуваа досега, мислам дека и ЕУ поинаку ќе се однесуваше“, вели претседателката.