- Црногорскиот премиер кому на 20 август му беше изгласана недоверба вели дека зад неговата смена стои организираниот криминал во Црна Гора, оние кои стојат зад шверцот на дрога и цигари.
- Дритан Абазовиќ тврди дека на врвот на таа спрега меѓу криминалот и политиката стои долгогодишниот претседател Мило Ѓукановиќ.
- Во соработка со Европол и странски разузнавачки агенции, во август во Црна гора беа запленети 1,4 тони кокаин во пратка банани, најголемата заплена на дрога на Балканот. Половина тон кокаин беше фатен и во јануари годинава.
- Доналд Трамп наредил прераспоредување на двe американски нуклеaрни подморници во „соодветни“ региони, како реакција на изјавите на Дитри Медведев кои ги доживеа како провокативни и неодговорни.
- Медведев, кој е замeник претседател на рускиот Совет за безбедност, откако Трамп реши ултиматумот за Русија да престане со воени дејствија, од 50 да го симне на 10 дена, порача дека ваквите ултиматуми ја приближуваат ситуацијата до војна и посака Трамп да не оди по патот на „заспаниот Џо“ (Бајден).
- Трамп за Њусвик појасни дека „соодветни“ региони значи поблиску до Русија.
- Оваа војна на зборови со нуклеарни закани се случи само неколку часа откако Путин соопшти дека Русија започнала со масовно производство на нејзините суперсонични ракети Орешник (можат да носат нуклеарен товар) кои може да завршат кај нивниот сојузник Белорусија.
- Циници велат дека Трамп треба да му заблабодари на Медведев што со своите изјави - макар накратко - го одврати вниманието од незгодната афера со Епстин.
- Европската комисија индиректно потврдува дека се уништени текстуалните пораки што шефицата Урсула фон дер Лајен ги разменила со директорот на Фајзер, Алберт Бурла, во 2021 година, кога ЕУ преговараше да купи 1,8 милион дози вакцини против ковид-19 за цена 15 пати повисока од производната.
- Наспроти обврската од законите за транспарентност, ЕУ тогаш ги одби барањата од новинарите да ги објави пораките, сметајќи дека „не се од интерес за јавноста“. Врховниот суд на ЕУ во мај пресуди дека „Комисијата не може без веродостојно објаснување да тврди дека не ги поседува документите“. Поради аферата Фајзергејт во Европскиот парламент се гласаше и за недоверба на претседателката на ЕК.
- На новото барање од Њујорк тајмс дали се чуваат пораки меѓу Фон дер Лајен и Бурла, Комисијата на 28 јули потврдила дека таква комуникација постоела, но објаснува дека Фон дер Лајен лично била одговорна да процени дали текстуалните пораки се документи од интерес и дали имаат вредност за да се објавуваат и да се чуваат.
- ЕК наведува дека сега не може да пронајде такви текстови и индиректно укажува дека не ги поседува. Фон дер Лајен неколку пати го сменила телефонот по комуникацијата со Бурла. Старите телефони биле форматирани и рециклирани - што значи дека сите информации во нив се уништени.
