- Нетфликс наскоро би можел да понуди двојно поевтина претплата во модел во кој корисникот ќе мора дa гледа реклами.
- Планираат да пуштаат 4 минути реклами на еден час, што е многу помалку од кабелските телевизии кои пуштаат и по 20 минути реклами на саат.
- Нетфликс ветува дека рекламите ќе се пуштаат само пред и после филмот/епизодата/емисијата и дека содржината нема да биде прекинувана.
- Поранешниот претседател Бил Клинтон и неговата сопруга Хилари, поранешна државна секретарка, се согласија да сведочат во истрагата на Претставничкиот дом на САД за Џефри Епстин, но бараат сослушувањето да биде зад затворени врати.
- Комитетот за надзор, со поддршка од демократските членови, пред еден месец им се закани на Клинтонови со кривично гонење ако ја одбијат поканата да сведочат.
- Бил Клинтон бил близок пријател на Епстин и во објавените документи се појавува на многу фотографии на неговиот имот, но тврди дека ги прекинал односите со него пред две децении и не знаел за неговиот синџир за елитна проституција и подведување малолетнички.
- Бил Клинтон ќе биде првиот поранешен претседател што сведочел пред комитет на Конгресот по Џералд Форд во 1983 година.
- Илон Маск ги спои своите бизниси за вселенски мисии и вештачка интелигенција во глобално доминантна мегакомпанија за технолошки развој проценета на 1.250 милијарди долари.
- Тој нагласи дека напредокот во вештачката интелигенција би бил можен само преку поставување центри за податоци во вселената, што може да го овозможи само SpaceX.
- „Сегашниот напредок во ВИ зависи од копнените центри за податоци, кои бараат огромни количини на енергија и ладење. Глобалната побарувачка за струја за ВИ едноставно не може да се задоволи со копнени решенија, дури ни во блиска иднина, без да се наметнат тешкотии врз заедниците и животната средина... Тоа ќе овозможи бази на Месечината, цивилизација на Марс и на крајот проширување во вселената“, објави Маск.
- Спојувањето има и финансиска цел, спроти претставувањето на SpaceX на берзата до крајот на оваа година. Вредноста на SpaceX во договорот е проценета на 800 милијарди долари, а на xAI на 200 милијарди. На овој начин xAI може да биде првиот бизнис со јазичен модел со ВИ што ќе се појави на американската берза.
- Маск лани ги спои X со xAI и во социјалната платформа зајакната со ВИ инвестираше уште 2 милијарди долари од својата автомобилска компанија Тесла. Милијардерот, исто така, неодамна објави дека ќе откаже производство на некои модели на електрични коли, за да ослободи повеќе простор во фабриките да произведува хуманоидни роботи.
