Бразилскиот претстедател го прекина дводневниот молк по објавување на изборните резултати по кои изгуби од противкандидатот Луиз Инасио Лула да Силва. Притоа не се изјасни дали го прифаќа поразот.
Според резултатите, тој изгуби 50.9% - 49.1% што е разлика од 2,1 милион гласови и ако така остане, ќе биде првиот бразилски претседател кој изгубил на реизбор.
Болсонаро им се заблагодари на 58-те милиони гласачи кои го подрджаа и не му честиташе на Лула но негови кругови навестуваат дека изборните резултати најверојатно нема да се оспоруваат.
На 67-годишна возраст почина театарскиот, филмски и телевизиски актер Лазе Манасков, соопшти неговиот матичен Драмски театар од Скопје.
Манасков е во Драмски е од 1983 година, откако заврши на ФДУ во Скопје. Вечерашната изведба на претставата „Куршуми над Бродвеј“ ќе се одигра во негова чест, велат од театарот.
Ќе остане запамтен и по своите улоги во Исцелител, Сенки, Трст виа Скопје, Еурека, Солунски патрдии, Македонски народни приказни, Преспав, Пусто турско....
Драган Б (со точка) Костиќ, легендата на македонското радио водителство, почина денеска на возраст од 75 години.
Преку своите емисии на Македонското радио, Драган Б. Костиќ со децении ги промовираше во Македонија светските поп и рок хитови и беше лексикон за историјата на бендовите, пејачите, нивните песни и светските топ листи. Имаше една од најголемите колекции на плочи во Македонија.
Својата богата кариера ја почна уште во 1970-ите години и наметна препознатлив водителски стил во емисиите „Диско селектор“, „Радио урнебес“ и „Заборави ако можеш“, а подоцна и „Кавервил“, „Чартфајл“ и „Б со Точка“. Автор е на проектот „100 приказни за 100 песни“.
На крајот од минатата година го имаше својот проштален диџеј настап „Последен танц“, со кој ја заокружи својата кариера од половина век.
