- Пензиониран воен полицаец (51) во приватен дом з стари лица убил 6 и ранил 6 луѓе.
- Новинарка на РТЛ јави дека неофицијално, причина за крвопролевањето биле несредени имотни односи меѓу него и мајка му. Тој дошол во домот во Дарувар кајшто била мајката, решил да ја убие и попат убил уште 5 лица кои се колатерални жртви на неговиот крвав поход.
- Подоцна Крешимир Пахоки бил најден и уапсен во близина на едно кафуле. Таму бил и пред да тргне кон домот, викнал пијачка за сите и рекол: „Морам нешто да завршам.“
- Претставничкиот дом на САД го усвои „Големиот убав закон“ на Доналд Трамп за буџетот и трошоците. Претседателот утре свечено ќе го потпише на Денот на независноста.
- Иако многумина републикански конгресмени го критикуваа, само двајца гласаа против. Конечниот резултат беше 218-214.
- Законот од 940 страници се однесува на речиси сè, од здравствената и социјалната заштита, до купони за храна и чиста енергија. Канцеларијата за буџет на Конгресот проценува дека во следните десет години законот ќе го зголеми федералниот дефицит од 3.300 милијарди долари. Алтернативна пресметка вели дека ќе го намали дефицитот за 500 милијарди.
- Корисниците на здравствената програма Медикејд ќе мора да докажат дека работат за да исполнат услови за поддршка. Даночните олеснувања за компаниите за енергија од обновливи извори фазно ќе бидат намалени и ќе бидат укинати во 2028 година. Ќе се намали оданочувањето на бакшиши, прекувремена работа и кредити за автомобили...
- Проценката е дека најбогатите домаќинства годишно ќе добијат олеснување од 12.000 долари годишно, а најсиромашните по 1.600 долари.
- Данска побара од ЕУ да го употреби „сиот легален арсенал“ мерки против Унгарија, вклучувајќи и одземање на правото на глас, поради нарушување на основните права на Унијата.
- „Сè уште сме сведоци на прекршување на основните вредности. Затоа ќе ги продолжиме процедурата од Членот 7 и сослушувањата на Унгарија“, изјави министерката за европски работи на Данска, Мари Бјере.
- Членот 7 во ЕУ важи за „нуклеарна“ опција. Овозможува одземање на правото на глас на некоја членка како казна ако не се придржува до правилата. Унијата досега не го користела, наспроти постојаните обвинувања на сметка на Будимпешта.
- Данска, која од 1 јули го презеде претседавањето со ЕУ, ја обвинува Унгарија и за блокирањето на евроинтеграцискиот процес на Украина.
- Дипломати во Брисел тврдат дека заканите од Данска нема да може да се спроведат без политичка поддршка од Берлин и од Париз, која засега ја нема.
