- Белгиските работници добија право на 4-дневна работна недела, без намалување на плата, ама ако претходно си ги завршат обврските, за екстра денот од викенд.
- Работодавците имаат право да го одбијат барањето, ама тоа ќе треба писмено да го образложат.
- Дополнително, од компании со 20 или повеќе вработени се очекува на вработените да им понудат можност да се дисконектираат после работа, односно да не одговараат на телефонски повици и мејлови од 23 до 05 часот.
- Израел ја затвори Црквата на Светиот Гроб и ги откажа велигденските служби, наведувајќи безбедносни закани поради војната со Иран.
- Иако се под иста закана, синагогите во Израел се отворени.
- Дури ни Иран не ги затворил црквите.
- Местото на Христовото воскресение во Ерусалим никогаш не било затворено толку долго во изминатите 2.000 години, дури ни за време на Крстоносните војни ни за светските војни. Пристапот на верниците, сепак, привремено беше ограничен за време на пандемијата пред шест години.
- Отецот Ибрахим Фалтас, поранешен чувар на Светата земја, побара од израелските власти да ги отворат христијанските светилишта барем за Страсната недела.
- „Со задоволство можам да ви кажам дека сите отворени прашања се веќе затворени. Немаме некое прашање поврзано со законот коешто не е третирано“, изјави министерот за здравство, Азир Алиу, најавувајќи дека новиот закон за пушење/непушење ќе влезе во владина процедура на 24 март.
- Една од клучните новини е што терасите ќе можат да функционираат како дел за пушење и со две отворени страни, наместо со претходно предложените три. И кровот ќе се третира како „страна“.
- „Дополнително, ќе се воведе обврска угостителските објекти да имаат посебен влез за делот каде што се пуши, со цел јасно да се одделат зоните за пушачи и непушачи“, изјави Алиу кој очекува дека за две години процентот на пушачи да се спушти од 45% на под 20%.
