Време на подготовка:
20 мин.
Време на готвење:
20 мин.
Вкупно време:
40 мин.
Порции
4 лица
Состојки
- 4 парчиња сланина
- 250 гр. изладено пире од компир
- 1 жолчка од јајце
- 1 јајце
- 1 главица кромид
- 150 гр. брашно
- 40 гр. моцарела сирење, исечено на коцки од 1 см.
- 300 гр. лебни трошки
- 50 мл. млеко
- масло за пржење
- зелена салата за прилог
Подготовка
Загрејте тава на рингла на среден оган и пржете ја сланината 3-4 минути додека да стане крцкава. Потоа извадете ја на хартиена салфетка.
Измешајте го во длабок сад изладеното пире од компир, жолчка од јајце, ситно сецкан кромид, сецкана сланина и 50 гр. брашно. Замесета ја смесата и формирајте 20 топчиња. Во центарот на секое топче ставете 1 коцка моцарела сирење.
Ставете го во една чинија остатокот од брашно и лебните трошки во друга чинија. Изматете го јајцето со млекото. Панирајте ги топчињата во брашно, јајце и лебни трошки.
Пржете ги крокетите во длабока тава со масло на среден оган, по 3-4 минути додека да добијат златно жолта боја. Вадете ги во чинија обложена со хартиена салфетка за да се впие вишокот на масло.
Послужете ги крокетите со свежа зелена салата.
