Време на подготовка:
15 мин.
Време на готвење:
30 мин.
Вкупно време:
45 мин.
Порции
4 лица
Состојки
- 8 парчиња пилешки гради
- 2 лажички црвен пипер
- 1 лажичка кумин
- 1 црвена лута пиперка, ситно сецкана
- 3 чешниња лук, сецкани
- 2 лажици маслиново масло
- кора и сок од 1 лимон
- 1 црвен кромид, ситно сецкан
- 300гр. ориз
- 750мл. вода
- 280гр. црвени и зелени пиперки
- 150гр. грашок (може замрзнат)
- 60гр. печени бадеми, крупно исецкани
- 2 лажици сецкан кориандер
- 1 лажица мед
Подготовка
Испечете ги на скара црвените и зелените пиперки. Излупете ги, исецкајте ги крупно и оставете ги да се исцеди вишокот на
течност. Грашокот сварете го десетина минути на пареа.
Во сад измешајте ги пилешките гради со црвен пипер, кумин, сецкно луто пиперче, 2/3 од лукот, 2 лажички масло и 1/3 од сокот
од лимон.
Загрејте 1 лажица масло во поголема длабока тава на среден оган. Пржете го кромидот и остатокот од лукот 3 минути додека да
омекнат. Додадете ориз и вода. Кога ќе зоврие намалете ја јачината на ринглата, покријте ја тавата и гответе го оризот 12
минути. Тргнете го од оган. Додадете во оризот сецкани печени пиперки и грашок. Покријте ја тавата и оставете ги да одстојат
5 минути. Потоа додадете кора од лимон и 1/2 од останатиот сок од лимон. Зачинете го оризот по вкус. Одозгора додадете
сецкан кориандер и бадеми.
Во меѓувреме загрејте го остатокот од маслото во поголема тава на силен оган. Пржете го пилешкото од двете страни 6 минути
додека да добие кафеава боја. Потоа намалете ја јачината на ринглата на најслабо и пржете го пилешкото уште 6-8 минути.
Додадете го медот и остатокот од сокот од лимон. Промешајте и гответе го уште 1 минута додека да се згусне глазурата.
Послужете го пилешкото заедно со оризот.
На здравје!
