Време на подготовка:
10 мин.
Време на готвење:
60 мин.
Вкупно време:
1 ч. 10 мин.
Порции
4 лица
Состојки
- 8 пилешки батаци
- 1 лажица брашно
- 1 главица лук
- рузмарин неколку гранчиња
- 300 мл. бело вино
- сол и бибер
Подготовка
Избришете ги батаците со хартија, и исечете го вишокот масни делови и кожа.
Помешајте ги батаците со брашното. Главицата лук разделете ја на чешниња. Загрејте две лажици масло во тава, и ставете ги батаците со кожата надолу. Пржете ги батаците додека не добијат златно кафена боја од сите страни. Додадете го лукот, гранчињата рузмарин, виното, сол и бибер. Оставете да зоврие, па покријте ја тавата, намалете ја температурата и гответе ги батаците околу 40-45 минути или додека не се зготвени.
Послужете со прилог по желба.
