Капитенот на Ајакс, Душан Тадиќ неодамна имаше непријатна средба со двајца лопови кои сакале да го ограбат. Го начекале со мотори пред куќа и го нападнале, но српскиот репрезентативец успеал да се одбрани, па дури на едниот му ја извадил кацигата и му удрил шамар. Холандските навивачи ептен го погодија текстот.

Немаат терени со природна трева, немаат патишта за да патуваат со кола или автобус, а не се членки ниту на ФИФА и УЕФА. Ама сепак имаат фудбалска традиција стара нецели 70 години. Како тоа и во кои услови?

Младиот уругвајски шпиц, Дарвин Нуњез летово од Бенфика дојде во Ливерпул во еден од најскапите клупски трансфери. Црвените за него дадоа 75 милиони за основен трансфер и плус 25 милиони во бонуси.

Многу пати се случувало корнер да се потроши со глупави додавања, без да се искористи можноста за директен центар шут кон гол. Фудбалерите на Хамарби имаат одлично навежбана комбинација со која го добија Гетеборг на гости 0:1.

Верона мина лошо во првото коло од Серија А со дебакл од 2:5 против Наполи (Елмас влезе во 68-ма), а најлошо помина нивниот напаѓач кој се презива Лазања. За време на прославата на голот за 2:2, Французинот Томас Хенри му даде опасен лакт и му го скрши забот.

Бетис имаше убедлив старт во Ла Лига од 3:0 против Елче, а во одлична форма се истакна и нивниот тренер. Мануел Пелегрини има 68 години и од 86-та не игра фудбал професионално, ама дајде му ја топката да му го видите осетот. Овации предизвика на трибини.

Шампионите на Франција постигнаа вкупно 10 гола по првите две кола од новата сезона. Ама што фајде кога не знаат да се однесуваат шампионски. Најмалиот во напад почнува да глуми газда. На 23 години.

Локерен е белгиски клуб кој во 2003-та година за жал згасна, отиде под стечај поради сериозни финансиски долгови. Но во 2020-та година клубот се кренал од пепелта, бил создаден нов тим кој сега игра во пониските белгиски лиги. Сега во квалификациите за главниот ждреб во белгискиот Куп Локерен со 3-0 го победил Монс.

Како што почнаа англиските фудбалски лиги, така од коло во коло има многу интересни настани. Пред да се фатат Тухел и Конте, менаџерите на Челси и Тотенхем кои ја шокираа јавноста, голманот на Квинс Парк Ренџерс, Сени Диенг во 90+2’ минута му донесе голем бод на својот тим од гостувањето кај Сандерленд.

Јонуц Раду е романски голман. Има 25 години. Уште како дете во 2013-та доаѓа во Италија и стигнува до младинската школа на Интер со кој потпиша и професионален договор. Романецот беше на позајмици во Авелино, Џенова и Парма, а сега е во Кремонезе.

Пјер Лис Мелу од Брест е авторот на голот на колото во Лига 1. Ги постави конечните 1:1 против Марсеј со голчиште нa кое се запали и публиката и коментаторот. Неодбранливо. Игор Тудор занеме.

Бранителот на титулата во Шпанија се помачи во првото коло од новата сезона на гостувањето против Алмерија. Губеа 1:0 по само 6 минути игра, а Анчелоти почна без Модриќ, Каземиро, Алаба. Им ја свртија во второ, благодарение на евроголот на стоперот на Австрија кој погоди само 28 секунди откако влезе во игра.

Бразилска втора лига, 95-та минута. Гостите запнаа да израмнуваат, ама изгледа не им било јасно дека си имаат работа со октопод. Како ли само го одбрани вториот удар, кој инаку го распали голманот кој се најде во шеснасетник да помогне?

Челси и Тотенхем одиграа 2:2 во лондонското дерби на кое Хари Кејн го израмни резултатот во 96-та минута. Тензиите се водеа на аут линијата, а завршија со црвени картони за тренерите.

Македонскиот репрезентативен центарфор Бојан Миовски веќе на три меча во шкотскиот Премиершип има три гола на своето конто, а еден погодок даде и во Лига Купот на Шкотска со што веќе ги освои навивачите и јавноста во оваа земја. Коментатори од Шкотска тврдат дека ако Миовски продолжи во овој стил, ништо чудно наскоро да го потпишат гигантите Ренџерс или Селтик или некој клуб од Англија.

Столе Димитриевски стана четврти голман во историјата на шпанското првенство кој успеал да остане несовладан на две гостувања по ред на Камп Ноу. Уште во првото коло од Ла Лига имаше јуначки перформанс и го просласија за МВП на мечот Барселона - Рајо 0:0.

На јубилејното 100. хрватско дерби меѓу Динамо Загреб и Хајдук Сплит, гостите поведоа први со неверојатен еврогол на македонскиот репрезентативец Јани Атанасов од 30 метри. Јани го соблече дресот и тргна лудо да слави со Торцидашите, но Динамо на крилјата на Ристовски и Адеми направи комплетен пресврт.

Фудбалерите на Барселона предводени од гол машината Роберт Левандовски, со 0:0 ја отворија сезоната во Лига. Главен виновник е чуварот на голот на Македонија кој беше играч број 1 на мечот. Три меча по ред не им дозволува да го совладаат.

Човекот со преку 600 голови во кариерата, кој пристигна во Шпанија како втор најдобар стрелец во историјата на Бундеслига, викендов ќе дебитира во Ла Лига. Први кои треба да му берат гајле се дефанзивците на Рајо Ваљекано, односно Столе и другарите. Ги чека многу тешка работа.

Конференциската лига е трета по ранг клупска фудбалска битка во Европа, ама за навивачите на Стеауа Букурешт тоа не е причина да не го исполнат стадионот. Дојдоа во бројка од 40.000 на мечот против Дунајска Стреда од Словачка и буквално блеснаа. Следно ги чека Викинг во плејоф.

Навивачите на Лех Познањ живи нервози изедоа синоќа во Конференциска лига. После поразот од Викингур од Исланд од 1:0, на реваншот водеа дома 2:0, ама запнаа да дадат и трет гол за комотно да го завршат мечот. На крај од 90, фудбалот се претвори во 120 минутна заебанција.

Црвена Звезда не е единствената спортска институација од надвор која му оддаде почит на Кирил Дојчиновски. Сочувство изразија и Џани Инфантино, како и Фудбалската Федерација на Ел Салвадор.

Видеото е снимено после освојувањето на Супер Купот на Реал Мадрид во средата, а одговорот на првиот човек на кралскиот клуб е сосема логичен, колку и да некој се обиде да го толкува како провокација.

Триесет и две годишниот Рамон Абила е центарфор кој се изнаигра фудбал во неколку аргентински и бразилски клубови а најголема трага остави во Бока со која освои две шампионски титули во 2017/2018 и во 2019/2020. Сега на заоѓање на кариерата игра за Колон Санта Фе а на мечот со Арсенал Саранди (1:1) направи преубав, едноставен дриблинг.