Нов Мундијалски трилер: Додека Уругвај беше пред славје за осминафинале, Јужна Кореа ги попари со сензација над Португалија во 91 минута

Гледаме лудо Светско првенство за сите пари со невидени драматични разврски во третото коло во речиси секоја група. Селекцијата на Уругвај ја обезбеди потребната победа над Гана за пласман во нокаут фаза, но за ново лудачко сценарио се погрижи Јужна Кореја која со пресврт во судиско продолжение ја сруши Португалија и поради повеќе голови од Уругвајците завршува втора.

Во новиот драматичен мундијалски ден во Катар на Гана и беше потребен само бод против Уругвај за пласман во нокаут фаза, но Уругвај ја победи 2:0 и со првиот триумф беше готова да го слави пласманот. Стрелец на двата гола беше Араскаета.

Јужна Кореја беше пред речиси невозможна мисија, но на ова Светско нема ништо невозможно и успеа со пресврт и победа од 2:1 да ја урне Португалија и да слави осминафинале.

Уругвај и Јужна Кореја завршија со по 4 бода и со идентична гол разлика (0). Но Корејците имаат дадено 4 гола, а Уругвај 2 и поради тој параметар се втори.

Јуначкиот гол за победа во судиското продолжение го постигна Хванг-Хе Чан на асистенција на Сон, откако претходно во 27-ма минута израмни Кин Јонг Гвон.

Португалија која веќе ја имаше обезбедно првата позиција, на овој натпревар играше со комбиниран состав. Голот на Португалците го постигна Хорта во 5 минута.

ЈУЖНА КОРЕЈА - ПОРТУГАЛИЈА 2:1

LUIS SUAREZ AFTER SEEING THAT SOUTH KOREA SCORED!

AS IT STANDS, URUGUAY ARE ELIMINATED. pic.twitter.com/rRvkP5CGTr
— ESPN FC (@ESPNFC) December 2, 2022