Германскиот второлигаш Сент Паули објави дека во идина на секој домашен натпревар покрај клупското знаме, ќе се вее и знамето со боите на виножитото поддржувајќи ги правата на хомосексуалците.

Мартин Хинтерегер успеа да го лобува голманот Тимо Хилдебранд од 70 метри при победата на Салцбург на пријателскиот натпревар против Шалке со 3:1.

Навивачите на португалскиот клуб Спортинг Лисабон покажаа како НЕ треба да се постапува ако сакате да предомислите фудбалер од вашата омилена екипа да направи трансфер во Челси.

Светското фудбалско првенство за играчи до 20 години кое се одржува во Турција стигна до финалето каде ќе се сретнат Франција и Уругвај. За многу играчи тоа е само знак и почеток на една голема кариера па затоа ќе ви ги претставиме младите шампиони кои потоа станаа славни имиња.

Со ваква младина, Барселона не треба да се грижи за својата иднина. Ова се најдобрите 20 голови за изминатата сезона постигнати од членовите на младите генерации на Барселона.

Капитенот на Монтреал Импакт, Дејви Арнауд доби заканувачки пораки откако неговиот тим загуби на домашен терен од Колорадо Рапидс.

Фудбалерите на Ирак беа најголема сензација на Светското првенство за фудбалери до 20 години и за малку не успеаа да се пласираат во финалето. Тие загубија на пенали од Уругвај и покрај тоа што први поведоа и тоа со овој прекрасен гол од слободен удар на Али Аднан.

Титулата за оваа недела му ја одземаме на Денис Ердман и му ја доделуваме на Мауридес. Нашиот нов офсајд лик на неделата е младиот Бразилец кој го постигна првиот гол во професионалната кариера и притоа се повреди прославајќи го истиот.

Американскиот фудбалски клуб Њујорк Ред Булс чиј член е Тиери Анри ќе ги подмитува своите навивачи за да не ги навредуваат противничките фудбалери за време на натпревар.

Иако до тогаш треба да се организираат уште две светски првенства во Бразил и Русија, темата за тоа како ќе се игра фудбал во пеколните лета на 50 степени во Катар 2022 година не стивнува.

Нигериецот Обафеми Мартинс кој од оваа сезона настапува за Сиетл има интересно хоби кое не сме го виделе од некој друг фудбалер. Дресовите од сите екипи за кои настапувал ги реди во златни столици.

Четирите екипи од Нигерија кои заедно постигнаа 146 гола на 2 меча добија суспензија од Нигеријската фудбалска федерација на неопределено време.

Фудбалерите на германскиот четвртолигаш Рот-Вајс Есен на своите дресови наместо спонзор, ќе го носат логото на навивачката група.

Натпреварите Лацио – Џенова и Лече – Лацио за кои постојано се пишуваше дека завршиле нерегуларно, конечно ќе добијат епилог. Италијанската фудбалска федерација ги објави имињата на фудбалерите кои се очекува да бидат казнети, а меѓу нив е и капитенот на Лацио.

Спортскиот директор на Парис Сент Жермен одлучи по завршувањето на летниот преоден рок да се збогува со клубот.

Економистите од Fútbolfinanzas ги анализираа 100-те најскапи трансфери во историјата на фудбалот за кои се потрошени 3,7 милијарди. Дури 80% од оваа сума ја потрошиле само 10 клубови.

Вчера пишавме за трансферот на фудбалер од Коста Рика кој беше трампан за 50 топки, но тоа не бил најчудниот трансфер до сега. Ова се само дел од најлудите познати трансфери на фудбалери.

Па и не беше толку незабележителен шпанскиот репрезентативец Давид Виља на „Камп Ноу“ во последните 3 години кој за само 5 милиони евра го официјализираше трансферот во Атлетко Мадрид. Ова се неговите 48 голови во каталонскиот дрес.

Мет Елијасон кој направи потег како Пеле, како и Коди Стенли кој тргнал со другарите на пиво, ја имаа таа среќа како аматери да заиграат со Лионел Меси на пријателски натпревар. На истиот меч немаа среќа 80 ВИП гледачи кои практично беа измамени од страна на најдобриот фудбалер во светот.

Само една мала шега беше доволна за фудбалер од Тајланд да го налути судијата кој донесе престрога одлука и предреме го испрати во соблекувалната. Ова нека биде апел до Марио Ѓуровски кој стана познат по циркузантските потези во тајландското првенство.

Го поврзуваат со клубови од цела планета, но тој и покрај тоа што е веќе 4 сезони дел од резервната клупа на Реал Мадрид не помислува да си замине и да биде лидер во некој друг клуб како што беше во Милан. На Кака убаво му доаѓаат 9 милиони годишно во Кралскиот тим.

Додека во Европа се вртат милијарди за фудбалски трансфери, некои екипи се засилуваат на малку поинаков начин. Еден клуб од Коста Рика доби играч во замена за 50 фудбалски топки.

Како не им текна ова порано на челниците на ФК Вардар? Македонскиот шампион можеше да патува како што му доликува наместо со автобус до Букурешт. Најмалата земја во Централна Америка преку интернет собира донации за патот на фудбалерите во САД каде треба да играат на континенталното првенство.

Меси и пријателите одиграа неколку пријателски натпревари низ светот, а на последниот меч во Чикаго откако многу ѕвезди им откажаа, организаторите беа приморани во последен момент да повикаат неколку аматери. Еден од нив го украде шоуто.