Сето ова што ќе ви го раскажеме се случи во финале на Куп во аматерска бразилска лига. Најпрвин се создаде гужва која судијата ја расчисти со два црвени картони, од кој вториот си го заработи тренерот. Играчите почнаа да го бркаат главниот судија, а тренерот го грабна за врат. Потоа линискиот судија ни крив ни должен доби камен во тело и мало освежување со вода.

Шведскиот прволигаш Бромапојкарна на гостувањето кај Мјалби во неделата имаше поддршка од само еден навивач кој од поранешниот фудбалер на Манчестер Јунајтед, Бојан Ѓорѓиќ ќе добие наградно патување.

Темпераментниот Италијанец кој живее за фудбалот и страствено ги доживува победите, по остварувњето на одличните резултати со Свиндон кој од четвртата успеа да го однесе на челните позиции во третата англиска лига, тимот на соработници си го донесе и во екипата на Сандерленд.

Ако ја слушнете >> ОВАА << мелодија и адреналинот веќе ви е во крвта како Вие да излагате на свежо косена трева пред преполни трибини, значи си имате пасија и живец за фудбал и со сигурност ќе бидете од оние кој ќе ја прочитаат статијава до крај.

Фудбалерите на Жозе Мурињо треба да го одиграат натпреварот на годината и да блеснат во најдоброто можно издание за да ја анулираат високата предност на Борусија од првиот дуел. Пример треба да им биде Депортиво кој во 2004 година го шокираше Милан.

Германскиот весник „Шпигел" откри дека маркетинг компанијата ISL им поделила мито во висина од 115 милиони евра на високи спортски функционери, помеѓу кои и поранешниот претседател на ФИФА, Жоао Авеланж.

Многу врвни фудбалери се обиделе да постигнат ваков гол, но на крајот завршиле со лице во земја. Овој пат успешен обид имаше Хуесеин Акоглу од турскиот 3-то лигаш Назиле.

Обично сме навикнати на сцени каде судиите се главна мета на нервозните играчи како што е на пример и во македонските лиги, но овој пат како тепач се покажа линискиот судија од Русија, Муса Кадуров кој нападна фудбалер на меч помеѓу младинските екипи на Амкард и Терек. Епилогот е доживотна суспензија.

Нема крај на проблемите за најмалерозниот тим во Италија. Листата на повредени фудбалери на Интер сега има 15 имиња.

Од 15 годишно скромно момче кое разнесувало млеко, преку видео касетите на кои Морати се воодушевувал од неговите вештини на теренот, Хавиер Занети ќе биде запаметен како легенда на Интер. И покрај тешката повреда, 39 годишниот лидер на „Нероаѕурите" нема намера да се повлече од фудбалот.

Минатата недела Бразилците го претставија својот официјален инструмент за Светското првенство, а викендов каширолата го имаше и своето неуспешно деби на фудбалски натпревар.

Навивачите на Вердер Бремен покажаа како се сака својот клуб и по порази. И покрај тоа што Вердер викендов загуби на гостувањето кај Баер Леверкузен и се најде на само 2 поени над опасната зона за испаѓање, 3.000 навивачи останаа по натпреварот и ги поздравија своите фудбалери.

Сигурно сте ги слушнале приказните дека „скаутите" на Вардар ги одбиле Димитар Бербатов и Владимир Југовиќ затоа што не биле доволно добри, но еден човек е посебно неталентиран за одбирање на таленти. Претседателот на Џенова ги одбил Меси и Левандовски.

Главната цел на Мурињо и неговите фудбалери оваа сезона беше освојувањето на Лигата на шампионите, но по шокот кој им го приреди Левандовски, таа задача сега стана многу тешка. За резултатот од 3:0 кој им е потребен утревечер за да го заверат билетот за Лондон, Кралевите снимија видео со пораки во кое ветуваат максимална борба до самиот крај.

Без разлика на тоа што нивниот тим испадна и следната сезона ќе се натпреварува во 4-та лига, навивачите на Хартлпул си ја продолжија својата традиција и се маскираа во последното коло.

Норвежаните смислија интересен фудбалски експеримент во кој спротиставија професионална фудбалска екипа и тим составен од аматери, но на аматерите им дадоа предност. Тие на теренот истрчаа со 22 фудбалери.

Хитот на македонскиот ракомет кој го поправи пласманот од минатата сезона во Лигата на шапионите, немаше сили за сензација и пласман во фајнлфорот. Со убедлив пораз од полски Киелце и во вториот четвртфинален меч од 26:15, ракометарите на Лино Червар ги завршуваат настапите во најелитната ракометна лига.

Капитенот на македонската фудбалска репрезентација продолжува да ги тресе мрежите во Серија А, а овој пат мета беше последнопласираната екипа во италијанското првенство Пескара против која Пандев го зголеми водството на 2:0.

Погледнете го изборот на TVGOLO за најдобите десет голови од изминатите седум денови. Ќе се потсетите на мајсториите на Левандовски, Ван Перси, Арапскиот Марадона и акцијата на Бенфика како од учебниците.

Актуелниот светски фудбалски клупски шампион, бразилскиот клуб Коринтијанс го искористи моментот на доминација за зголемување на базата на навивачи низ целиот свет со помош на „епидемија“.

Според истражувата на ФИФА во која се анализирани 31 национално првенство од Европа, италијанските клубови најмалку го користат својот подмладок во сениорските тимови, а над 50% од фудбалерите ги увезуваат од странство.

Ај овие ќе ги разбереме третолигаши се, ама Данубио и Черо се клубови од уругвајската прва лига.

Уругваецот заработи суспензија од 10 натпревари за гризењето на Ивановиќ и не само што за него оваа сезона, многу е веројатно дека за него заврши и престојот во Ливерпул. Тоа ќе биде најреална одлука на раководството на Ливерпул со оглед на се што тој има сторено.