Според анализата, најголеми трошаџии се Реал Мадрид со 774,5 милиони евра инвестирани во 19 фудбалери кои се на Топ 100 листата на најскапи трансфери. Тоа значи дека просечно еден од овие фудбалери чини 40 милиони евра. Помеѓу нив се Зидан, Фиго, Роналдо, Бекам, Овен, Кристијано Роналдо и Кака.
Зад нив се Челси со 376 и Манчестер Сити со 366 милиони евра. Двата тима имаат по 11 фудбалери на оваа листа.
Последен тим со над 300 милиони е Барселона. Тие учествуваат со 9% односно 331,6 милиони за 8 фудбалери, односно просечно за овие играчи трошеле по 41,4 милиони евра.
Листата на десетте клубови кои ги направиле 80% од најголемите трансфери во историјата на фудбалот ја комплетираат Манчестер Јунајтед (281,5), Јувентус (212,7), ПСЖ (158,5), Милан (155,7). Интер (135,9) и Баерн Минхен (134,5 милиони евра).
Сите останати фудбалски клубови учествуваат со 20% во 3,7 милијарди евра потрошени на 100-те најскапи трансфери, односно 761 милиони евра.
