Фудбалерите на Барселона си дозволија да испијат поголемо количество на алкохол за време на нивната парада по повод прославата на титулата, па почнаа да наликуваат на средношколци на екскурзија.
Некои навивачи за време на натпреварите користат пиротехника, знамиња, тапани, мегафон... а некои ксилофон. Да, точно, КСИЛОФОН и тоа концертен ксилофон во оригинална големина.
Еден бразилски новинар до толку се изнервира од одлуката на Жозе Мурињо да не присуствува на прес конференцијата пред финалето од шпанскиот куп, па својот бес го истури на брошурата на Реал Мадрид.
Најпопуларниот англиски фудбалер кој многумина го сметаат и за модна и фудбалска икона, по завршувањето на сезоната најавува дека ќе се повлече од фудбалот со образложение дека сега е вистинскиот момент да се прости од најважната споредна работа во светот додека игра во солидна форма.
Џиџи Буфон настапува за Јувентус веќе 12 години и не го напушти клубот дури и во најтешките времиња, а навивачите го сметаат за еден од нив, но тој не навива за италијанскиот шампион. Во неговот срце има место само за четвртолигашот Карарезе.
Колку и да му пречеа фудбалерите во шеснаесетникот, несфатливо е како може вака да реагира голманот на Филаделфија при изведувањето на корнерот на познатиот фудбалер на Лос Анџелес Галакси, Лендон Донован.
Гери и Фил Невил и Франк и Роналд Де Бур се најпознатите браќа кои оставија белег во фудбалот и кои ќе останат запаматени во пакет. Но на фудбалската европска сцена од наредната година ќе гледаме две нови имиња на кои им престои блескава иднина.
До сега невиден пример на фер-плеј потег во фудбалот. Челниците на женскиот фудбалски клуб Лион им понудија на нивните колеги од Монпеље преигрување на полуфиналниот дуел од купот кој тие го добија затоа што судијката го уништи натпреварот.
Легендарниот Аргентинец Хуан Роман Рикелме игра во топ форма и на 34 години. По победата од 1:0 на домашен терен, екипата на Бока Јуниорс одигра 1:1 на гостувањето кај Коринтијанс со што го елиминираше актуелниот шампион од Копа Либертадорес. Голот на Бока беше ремек-дело на Рикелме.
Џабе им беа на фудбалерите на Бенфика сите напади и шанси против Челси кога овој тим е проколнат и тоа од својот најуспешен тренер во историјата, а оваа клетва ќе ги држи уште 49 години.
Челси стана првиот тим кој по освојувањето на Лигата на шампиони ја освои титулата и во Лига Европа. Проколнатите Португалци ја имаа иницијативата, но трофејот од финалето на Амстердам арената им припадна на лондонските „сини" со гол во 93-та минута.
Млад, брз и снаодлив. Крилото на Виган, Калум Мекманаман кој беше најдобар играч на финалниот меч од ФА Купот во кој аутсајдерите направија сензација и го посрамотија тимот на Манчестер Сити, се наметнува како еден од најталентираните играчи на островот.
Нашиот капитен беше еден од најрасположените фудбалери на големото славје на Наполи по изборувањето на пласманот во Лигата на шампионите. Погледнете ја атмосферата на Наполитанците на чело со Горан Пандев кои ги “ловеше“ веселите моменти.
Италијанското обвинителство побара 3 години и 4 месеци затвор за Масимо Карера, заменик тренерот на италијанскиот шампион Јувентус, за убиство без умисла односно вмешаност во сообраќајна несреќа во која загинаа 2 девојки.
Долго критикуваниот стратег на „Сините" на вечерашниот финален меч од ЛЕ на Амстердам арената, со триумф ќе се обиде да им докаже на навивачите дека грешат со нивните протести против него. Бенфика е во обид да ја врати радоста на меѓународна сцена која им недостасува од 1962 година.
Јавна тајна е дека во Македонија некои селектори си имаа тарифник за настап во национален тим, но колку за утеха, така правеле и поголемите фудбалски сили. Своето место во репрезентацијата си го купуваат дури и Бразилците.
Веста која планиравме да ја следиме и развиваме цела година ја затвораме за пет дена. Човекот кој со дриблање планираше да стигне на Светското првенство во Бразил го згази камион на автопат.
Според истражувањето на онлајн компанијата „Хет-трик" направена со повеќе од 1200 навивачи низ Европа, над 3 четвртини од анкетираните одговориле дека сакаат стоечки да присустуваат на фудбалските натпревари.
Варан, Игуаин, Коентрао и Озил ги покажаа своите вештини во фудбал на голф терен. Инаку Footgolf е спорт во подем со неколку регистрирани официјални национални федерации, а веќе се има одиграно и едно Светско првенство.
Алехандро Родригез Масиас има само 5 години, а веќе стана херој на интернет и тоа преку една фотографија на која ги брани вистинските вредности на грасрут фудбалот.
По заминувањето на Дејвид Мојс кој за 11 години престој во Евертон одлично го водеше клубот и не дозволувше да падне во долниот дел од табелата, сега навивачите имаат и други маки. Евертон е на продажба, а тие бараат нов газда да биде поранешната ѕвезда на Битлси.
Многу спортисти заработуваат поголеми суми, имаат повеќе спонзори, продаваат повеќе дресови и брендирана опрема и се поголеми ѕвезди, но магазинот СпортсПро и Еуроспорт втора година по ред го прогласуваат Бразилецот Нејмар за маркетиншки најисплатлив спортист.
