Извор за шпанскиот весник АС, кој го именуваат како Confidant X или доверливо лице ги објаснува методите како високи функционери на ФИФА ги пренасочуваат парите на свои сметки. Тој бил сведок како незаконски се богател претседателот на КОНМЕБОЛ, кој сега е во домашен притвор.
Алексис Санчез е еден од оние фудбалери на кои животот му поделил лоши карти, но на крајот ја добил партијата. Објаснува дека ситно трча на теренот, затоа што како мал играл бос и ги избегнувал камењата.
Стадионот на кој деновиве се играат натпревари од Копа Америка во минатото бил затвор во кој се убивале приврзаници на Салвадор Аљенде. Советскиот сојуз во 1973. не сакаше да игра реванш на тој терен за пласман на Светско, па ФИФА направи фарса.
Велешанецот Денис Махмудов кој е член на Цволе се исправи пред бугарските медиуми да даде изјава. И ја даде, ама на некој негов начин. Новинарот го прашува дали во Левски Софија доаѓа како слободен играч, а тој одговара: А убаво да, добро, супер е.
После 24 години Колумбија го совлада Бразил, а стрелец на голот беше Муриљо во 36. минута од мечот. Колку не му одеше на Бразил покажаа промашувањата на Фирмино и црвениот картон на Нејмар.
Со натпреварите Република Чешка - Данска и Германија - Србија вечерва започнува Европското првенство за фудбалери до 21 година, турнир на кој во минатото се прославуваа Чави, Пирло, Фабрегас, Џилардино, Неста.
По лошата сезона, тренерот на Интер бара од претседателот Тохир да му бидат обезбедени нови играчи: дефанзивец, играч од средина и напаѓач од врвна класа кој ќе му биде поддршка на Икарди.
Со ремито против Мексико и триумфот против Еквадор, фудбалската репрезентација на Боливија е на чекор од четвртфиналето во Копа Америка. Пред неколку години, ФИФА им забрани да играат во Ла Паз поради надморската височина, но ги спаси Ево Моралес.
Србите се камења во квалификациите за ЕП со еден бод, ама затоа имаат младина која се избори за сензационално финале на Светското првенство за играчи до 20 години каде ќе играат против Бразил. Во полуфинале ја совладаа селекцијата на Мали со 2:1. Малин Гајиќ за малку не влезе во конкуренција во изборот за еден од најубавите голови на младинските Мундијали.
Шпанскиот четвртолигаш Бадахоз открил дека клубот од Торино во целост им ја украл идејата за кампањата за продажба на сезонски влезници. Ќе им простат само ако одиграат пријателска средба.
Дека Меси не е “светец“ во однесувањето, напишавме вчера кога не сакаше да прими награда и заедно со Ди Марија се мајтапеа на сметка на Тата Мартино. Се појави нова снимка од соблекувалната на Аргентина на која се гледа дека тие уствари се смееле на сметка на Агуеро кој вели дека резултатот не е лесен. Меси и Ди Марија на тоа се кикотеа како деца, а Парагвај во второ полувреме израмни на 2:2.
Во 2013. година го продаде Кевин Принц Боатенг во Шалке за 10 милиони евра, а сега би можел да го врати во Милан бесплатно. Тоа го може само Адријано Галијани.
Аурелио да Силва Переира ќе остане запаметен во фудбалската историја како човек чие шесто сетило го најде дијамантот од местото Фуншал на островот Мадеира.
По Болоња, Катанија, Фиорентина и Сампдорија, српскиот стратег денеска на Сан Сиро ја почнува петтата тренерска авантура во Италија. Медиумите на чизмата пишуваат дека во тренинг центарот на Милан стигнал како премиер со три коли. Договорот му е на две години.
Сезоната за Роналдо заврши, но не и за Меси кој има шанса да биде подобар стрелец од Португалецот. Роналдо ја заврши сезоната со хет – трик против Ерменија, донесувајќи и ја на Португалија најбитната победа со која се многу блиску до ЕП следното лето.
Голот на Роберто Карлос против Франција во 1997. година и натаму е предмет на расправа меѓу физичарите. Ерец Гарти од ТЕД-ед преку физиката го објаснува летот на топката по шутот на левиот бек.
По некои пратеници во руската Дума, сега и навивачите на Русија бараат Фабио Капело да си поднесе оставка, особено после поразот од Австрија 0-1 на домашен терен во неделата. Решени се да собираат пари за да се раскине договорот со Италијанецот.
