Со стажот, искуството и педигрето кое си го створи во Серија А, капитенот на Македонија не мора да бара клубови во Италија. Напротив, него го бараат и добива отворени понуди.

На 32 години веќе зад себе има 5 шампионски титули во Шпанија, 3 Купа и 4 Супер купа во Шпанија, 3 титули во Лига на шампиони, 2 титули во Светско клупско првенство 2009 и 2001, Премиер лига, ФА Куп, Лига Европа, Светско и Европско првенство со Шпанија. Се изнадава еден куп голови во Барселона и Челси (сега го бараат Валенсија и Рома), ама еден гол ќе го памти засекогаш.

Легендарниот шпиц на Реал Мадрид во 2010-та стапна во Бундеслигата и заигра за Шалке. Ова видео не е посветено на него, туку на Хозе Мануел Хурадо кој му даде магична топка. Не се повторуваат вакви асистенции секоја сезона.

Во пресрет на состанокот на Извршниот одбор закажан за среда, УЕФА веќе знае како да ја доврши сезоната во Лига на шампиони и Лига Европа.

Бразилска Маракана, легендарниот стадион денес слави 70 години од првиот одигран меч на 16 јуни 1950-та година. Првиот натпревар на новиот стадион го играле Рио и Сао Пауло. После неколку дена тука се играло четвртото Светско првенство во историјата.

Кошаркарската пауза по сè изгледа најмногу му го изоштри шутот на членот на Олимпија Милано, Амедео Дела Вале. 65 комада по ред даде од линијата за 3 поени и утна само два пати од 103 обиди. Неверојатно луда рака.

Го критикуваат дека е многу груб спрема новинарите, дека е заебан спрема играчите на кои им мава заушки и перцепцијата за него е дека е секогаш намуртен и незадоволен. Ама ако му ги следите постапките, ќе забележите една многу човечна страна.

Храбар подвиг на играч на Sport Life во Драчево.

Според најновите информации, Бразил на 18-ти јуни го рестартира фудбалот. На легендарната Маракана каде има мобилни болници за заразени од КОВИД-19 треба да се сретнат Фламенго и Бангу и покрај пандемијата.

Купот на Конфедерации 2005-та мина во знакот на страшниот состав на Бразил кој во финале ја смачка Аргентина со 4:1, а стрелци беа Адријано (2), Кака и Роналдињо. На денешен ден го одиграа првиот меч во групна фаза против Грција кој го добија со 3:0. Серијата на голови почна со катапулт на Адријано.

Кралскиот клуб од карантин не се врати на својот „Сантијаго Бернабеу“, туку на вториот клупски стадион „Алфредо Ди Стефано“ каде обично игра третиот тим Кастиља. “Меренгес“' ја искористија паузата поради глобалната пандемија на најдобар можен начин, да влезат во голема реконструкција.

Го зема на 18 години, кај него се калеше 6 години, заедно се радуваа на 9 трофеи и големата меѓусебна почит им остана, што можеби и не е случај со Бекам кој доби копачка во глава. Поздравот на учителот за кој сите зборуваа после финалето на ЕП 2016. Безценето.

Требаше сега да се игра Европско, да пишуваме за Европско, да се сеќаваме на легендарни, луди и незаборавни моменти. Еден од тие е голот на легендата на Ливерпул Рони Велан на мечот Ирска - СССР, одигран на денешен ден на ЕП 1988.

Дискретниот јунак, шпиц од најдобрите денови на ПСВ Ајндховен и Андерлехт, легенда на холандско-белгискиот фудбал од кој што најмногу научиле Роналдо и Руд Ван Нистелрој. „Сè што направив во кариерата му должам нему“.

Ѓоковиќ организираше хуманитарен турнир во тенис „Адриа Тур“, на кој учествуваа Доминик Тим, Григор Димитров, Виктор Торицки, Александер Ѕверев, а потоа следуваше приватна забава во диско на која се знае кој беше глав протагонист.

Една од главните теми во мак фудбалот овој месец е наводниот интерес за купување на Вардар од страна на поранешен бугарски репрезентативец по име Благој Георгиев. Но, за Бугаринов и немаат баш добро мислење во Бугарија.

Ултра-десничарските групи кои од цела Англија се собраа во Лондон наводно да ги чуваат спомениците и меморијалите во престолнината, се судрија со полицијата, па со демонстрантите од BlackLivesMatter.

На дербито во данскиот фудбал меѓу Нордсјеланд и Копенхаген кој заврши 1:1, имаше промашен зицер на сезоната. По 36 минути игра, додека Копенхаген водеше со 0-1, домашниот играч Мадс Тикосен ја заеба физиката.

Центарфорот на Баер Леверкузен Лукас Аларио го има најнеспортскиот потег на сезоната во Бундеслига, откако на мечот против Шалке на гости направи голема глупост. Во 57' минута Чан Боздоган лежеше на трева, па негов соиграч од Шалке ја исфрли топката во аут. Кога продолжи играта Аларио се изглупира и злоупотреби едно непишано правило.

Ирачката фудбалска федерација, која што е под контрола на комитетот за нормализација на ФИФА, реши да ја суспендира тековната сезона поради глобалната пандемија но и со цел играчите да сочуваат сили за квалификациите за Светско 2022 во Катар.  А сезонава таму паднале пар добри голови.

Пред две и пол години Арсенал го потпиша можеби најнеобичниот рекламен договор во Премиер лигата. Првпат во клупската историја тимот од северен Лондон на ракавите од дресовите стави реклама.

Мама миа, какво играчиште беше овој аргентински ас, кој преку Сампдорија и Парма, заигра во шампионскиот тим на Лацио 2000, каде беше еден од главните, а потоа продолжи во Интер, Манчестер Јунајтед, Челси...

Играчите може да протестираат кај судиите, ама од дистанца, бидејќи ако тоа го прават како до сега, апла ќе ја прекршат најважната мерка која е на прво место во цела планета.