Ама па од друга страна денар немаат дадено за карти.

Ако е за утеха и Босанците немаат секирации околу иднината на кошарката. Видиш ти тоа како лесно и течно им одат нападите. Како Лејкерски се од најдобрите денови.

Македонската кошаркарска репрезентација останува да се надева на следното Европско првенство 2029. Шансите за пласман на ЕП 2025 се завршени после поразот од Естонија на гости (65:84). 21 поен за Ти-Џеј Шортс и 20 на Ненад Димитријевиќ, сепак не беа доволни. Недостасуваше помош и од другите играчи.

DAZN не го краси само Дилета Леота. Прашајте го Самуеле Ричи од Торино. Дербито Јуве - Интер од поинаква перспектива.

Се работи за моментот кога пропуштил меч топка при водство од 5:2 против Алекс де Минор на АТП турнирот во Доха. На крајот Андреј Рубљов го мина четвртфиналето со 2:1 во сетови.

Не е баш пријатно периодов за спортување во САД на отворено. Видовме по Меси, а сега и по Жиру, кој игра за Лос Анџелес.

Борац Бањалука е најголемо изненадување од регионов во еврокуповите сезонава. Тимот за кој резервен голман со број 1 на грбот е Дамјан Шишковски а во средниот ред стандарден е Бобан Николов, елиминираше многу познати клубови и стигна до осминафинале на Лига Конференции во својот прв историски, дебитантски настап во Европа. По триумфот 1-0 во Бањалука, синоќа одиграа 0-0 против Олимпија во Љубљана. На стадионот имаше нереди откако домашните навивачи фрлале пиротехника по гостите кои брзо возвратиле.

Маркус Турам, постариот, има 27 години и игра за Интер. Од неодамна за Јувентус потпиша брат му Кефрен Турам кој има 23 години. Се најдоа на теренот за време на големото дерби на Италија кое Јувентус го доби 1-0. Маркус влезе од клупа за резерви и грубо го подудри брат му како поздрав.

Реал Мадрид направи шампионите на Пеп Гвардиола да личат на херои од минатото, што е и така во пракса. Неопходно им е рестартирање, на кое веќе и почнаа да работат од јануари.

Веќе неколку сезони по ред загревањата на најдобриот шутер во историјата на НБА според сите параметри, се права забава за навивачите. Ова вреди карта да купиш само за да го гледаш Стеф Кари како шутира и не промашува. Сега последно шутирал од 16 различни позиции а веќе после осмиот погоден шут салата почнала да се крева, да урла за на крај да доживее еуфорија.

По Лига на шампиони, стандардно петочки се извлекоа и паровите во Лига Европа. Можно четвртфинале: Мурињо vs Рома.

Најдобриот фудбалер на сите времиња според многу страни, Кристијано Роналдо во кариерата настапуваше за великаните Спортинг Лисабон, Манчестер Јунајтед, Реал Мадрид, Јувентус. Најдобар стрелец е во историјата на Лига на шампиони, во историјата на европски првенства и најдобар стрелец во клупската историја на Реал Мадрид. Се ближи до бројката од 1.000 гола во кариера што би бил апсолутно недостижен рекорд за сите останати. 

Во НБА веќе постои термин „Сомбор дабл“ за учинок кој подразбира дека во една статистичка категорија недостасува еден поен, еден скок или една асистенција за трипл-дабл. Наречена е по Никола Јокиќ кој синоќа во победата на Денвер Нагетс по којзнае кој пат за само една асистенција или еден скок не направи нов трипл-дабл.

По дома добри?

Не дека е ова Раи или некоја друга сериозна тв, но сепак имаат Италијанците многу вакви ликови на локални емисии направени за забава. Го знаете оној кој вришти на секој гол на Милан. Еве му конкуренција од Наполи.

Во Централна и Северна Америка се игра КОНКАКАФ Купот на шампиони меѓу екипи од неколку земји. Интер Мајами, екипата за која настапува Лионел Меси, играше против Спортинг Канзас Сити во средата вечер на страшни минусни температури кои достигнувале и до -17. 

Секое коло иста приказна. И веќе не се знае кој повеќе глуми и во која лига, но просто глупаво е повеќе да се толерираат ваквите шарлатани. На ѕидот на срамот овој пат е голманот на Андерлехт, Колин Кузманс на дуелот против Фенербахче.

Еден возрасен навивач на клубот од Бирмингем, објавил дека по мечот со Ливерпул (2:2) на „Вила Парк“ го изгубил, некаде му паднал шалот. И ништо не би било чудно тој шал да не е стар цели 53 години и има страшно голема сентиментална вредност. Шал кој ја следел Астон Вила секаде каде и да играла.

Стеауа Букурешт го исфрли ПАОК во плејофот од Лига Европа и влезе во топ 16. Третото полувреме го одиграа во соблекувална заедно со тренерот. И пица имаат на менито.

Сонот на битолчани за осминафинале во Лига на шампиони сè уште живее. Го совладаа Динамо Букурешт (25:24). Има уште две кола до крај.

Налетавме на неверно видео од 2016-та од хрватската втора лига. Кој го видел или памети, радо ќе се присети. Тој што го гледа прв пат, го пропуштил пеналот кој најпрецизно ја отсликува најпопуларната Фејсбук страна со години на Балканов, Селски фудбал. Дугопоље против Сесвете. Разврска од пеналот е надреална.

На денешен ден 1969-та година во Вуковар се роди големиот Синиша Михајловиќ. Најмоќното лево стапало од кое се тресеа голманите кога се местеше да изведува слободен удар. Замина прерано, на само 53 години, а денеска требаше да наполни 56. Слушнете го ова дечки.

Нема вторник и среда пред и после одигрување на натпреварите од Лига на шампиони, Анри, водителката Кејт Абдо, Мика Ричардс и Џејми Карахер да не направат некое шоу. Ричардс е во топ форма во последно време. Синоќа имаше реплика на констатацијата на Кејт дека „веќе ќе нема Брест (францускиот клуб кој испадна од ПСЖ во Лига на шампиони) годинава. Брест значи и нешто друго на англиски.

Секој ден излегува по некоја пикантерија од документарецот „Court of Gold“, серија во 6 епизоди, која Нетфликс ја стокми за Олимписките игри 2024. Изгледа дека има многу јак материјал. Опфатени се САД, Франција, Србија и Канада, кои се бореа да стигнат до златниот медал.