Некои имиња и некои времиња не се повторуваат, а едно од нив е ова екипиште на Реал Мадрид, првак на Европа 2002-ра, па првак на Шпанија 2003-та со Галактикос. На денешен ден пред точно 18 години играа против Милан во групна фаза од ЛШ.

„Ова му е седмо ливче што вака фаќа, од Драчево е, Пепи се вика“, стои во нашето сандаче.

Најголема зафрканција во еврокуповите неделава беше урликот кој Ерлинг Халанд му го упатил на голманот на Севиља Јасин Буно после реализираниот пенал. Има цел мит и преданија за него во Латинска Америка.

Стартува на 28 март во Бахреин, а завршува на 12 декември во Абу Даби. Новата 72-ра сезона во Формула 1 ја најавува наш човек, кој секогаш знае да ги скоцка јако спортските видеа со многу адреналин. Бранител на титулата е седум кратниот првак Хамилтон, кој четири години во низа не го дава тронот.

На мечот меѓу Боавишта и Гоиас во Купот на Бразил кој заврши 3-1, судијата Денис да Силва Рибеиро реши да не оди до тоалет туку да го обележи центарот на теренот, комотно пред камери, пред играчи, помошнички, делегати, коментатори.

2008 и 2012: Европски прваци. 2016: Олимписки прваци. 2019 и 2021: Светски прваци. Џабе кога односот им беше потценувачки уште пред да се појават. Слетаа во 16:30, на три и пол часа пред натпревар, демек не ни треба ни одмор ни тренинг против Македонија.

На толку јадење ќотек и за клуб и за репрезентација, Филип Миркуловски на повикот на Кире, одговори од Германија со „Доаѓам“. А 37 години има, возраст на која ретко кој би се вратил и би одиграл толку јако и со душа. Па добро се троши ли овој човек?

Како ретко во кој спорт и како ретко кога во историјата еден селектор во исто време играше со своите играчи и го совлада светскиот шампион кој дојде во полн состав. Цела Европа пишува за чудото во Скопје.

Стиви Џерард треба гласно да му каже благодарам на својот голман Алан Мегрегор за тоа што Глазгов Ренџерс не загуби на гостувањето против Славија Прага во ЛЕ. Кога ќе видите како ја зграпчи топката ќе сфатите зошто. Светски добра одбрана и тоа на 39 години.

Опчинети од чудесната партија на македонската ракометна репрезентација против светскиот првак, ќе заборавевме дека во исто време се игра топ 16 во Лига Европа. Адеми и Ристовски беа стартери за Динамо во Лондон каде загубија 2:0 од Тотенхем, а голчиштето на колото падна во Атина.

После 3 одиграни кола во квалификациската група 7 за Европско првенство 2022, Македонија има 3 победи и е прва во група со светскиот шампион Данска. Вечерва во Скопје Данците беа спружени на колена. Голем удел во триумфот имаше и неверојатниот Никола Митревски кој бранеше еуфорично.

Изјавата на данскиот селектор дека со репрезентацијата на Данска е долго време, а одамна не му се случило да загуби на ваков начин доволно говори за блескавата партија на македонските ракометари. Вечерва во Скопје не се знаеше од каде се удира по голот на светскиот шампион. Лазаров како селектор-играч постигна 4 гола.

Вечерва во ракометна Европа одекна бомба. Македонија со блескава игра го разубаве дебито на селекторот Кире Лазаров и ја совлада Данска која пред мечот беше апсолутен фаворит. Кире реши да влезе во игра некаде во средина од првиот дел и веднаш сервираше „ладен цепелин“.

Нова, полетна, снажна и храбра Македонија вечерва во Скопје го урна актуелниот светски првак. На дебито на новиот селектор Кире Лазаров кој беше и во улога на играч, најдобрите македонски ракометари го одиграа можеби мечот на своите кариери и триумфираа 33:29.

Најскапиот дефанзивец во историјата на фудбалот, кој Манчестер Јунајтед го плати 87 милиони евра, вечерва против Милан во Лига Европа промаши неверојатен зицер. После и неговиот соиграч Џејмс се посрамоти па Милан израмни на 1-1 во 90+2' минута.

Да, вечерашното нивно соочување во Лига Европа ни ги враќа спомените кога се сретнаа во Лига на шампиони, а реално таму и повеќе ги личи. Колку силна и неизвесна битка беше тоа во која Ферги немаше лек за големиот Милан кој потоа го крена пехарот.

Барнсли врза серија од неколку триумфи и сериозно се вмеша во борбата за место во плејофот за пласман во Премиер лига. Против Бирмингем во предминатото коло победија 1:0 а мечот може да се опише со фразата „3 бода се 3 бода каква и да е играта“.

Ретко кој не го памети финалето на Лига на шампиони во 2012 година. Дури и ако не сте навивале за Челси или за Баерн, такви натпревари се врежуваат во сеќавање толку силно што дури после 10 години може да се сетите кој дал гол, кој не погодил пенал и кој беше јунак на мечот.

Реваншот Јувентус - Порто (3:2) донесе еден куп интересни моменти. Еден од нив беше оној кога по прекршок над шпанскиот центарфор, стоперот на Порто Пепе му покажуваше на судијата како Алваро глумел.

Како тоа одиш на влез, а чуварот те брка свртен со грб како на мајтап? Ете вака, како Лука Дончиќ кој го збуни противникот да не погоди на положување под кош. Шоу на Лука на еден поинаков начин.

Знаат да погодат штос дечкиве од Спортлајф нема збор, секогаш актуелни на темата.

Какво екипиште имаше Интер во таа сезона 2009/2010. Мелеа нераѕурите на 3 форнта и освоија 3 вредни пехари за прва триплета во историјата. Меѓу сите тие ѕверки беше и Диего Милито кој со 2 гола во финале на ЛШ му донесе титула на Интер.

За време на една емисија на ESPN, FC Radio Colombia во која се дискутирало за Лига на шампиони, врз стручниот коментатор Карлос Ордуз се срушил еден цврст држечки елемент кој го сплескал на бирото. За среќа Ордуз поминал неповреден и набрзо твитнал дека е добро и дека сè е во ред.

Швајцарскиот ас му се врати на тенисот и по 14 месеци го одигра првиот меч. Федерер победи, ама од толку долга пауза подзаборавил некои правила по што слатко го насмеа судијата.