За историската фотографија од македонската фудбалска репрезентација и натаму нема купец. Одиме со втор обид, повторно од хуманитарни понуди и тоа овој пат за помош на две годишно дете.

Пресов е во очи на големото дерби кое вечерва ќе се игра во Тел Авив, а на кое ќе учествуваат Роналдињо, Ривалдо, Деко, Мендиета, Савиола, Де Бур, Роберто Карлос, Фиго, Касиљас...Инаку е во режија на Барселона која организира егзибициски натпревари за промоција на клубот низ цел свет.

Еден во коментари пишал: Не можам да сфатам како го направи ова. Друг вели: Дриблингот е луд, а додавањето е уште подобро. А трет поентира вака: Не може да се споредуваат Роналдо и Меси, бидејќи Меси не е од оваа планета.

Европското 2020-та дефинитивно ќе се памети по освојувањето на титулата на еднa поинаква Италија од досегашната на која бевме навикнати. Тактика со која Манчини покажа модерен и допадлив фудбал, без да ги загуби традиционалните предности на италијанската игра.

Германските бундеслигаши одиграа пријателски натпревар со втори екипи. Келн славеше 3:2, а потегот на мечот ала Златан Ибрахимовиќ, го изведе Марк Ут.

Треба да знаеш да разбиеш. После е лесно.

Го имаме врвот на наместените натпревари и тоа во прволигашки фудбал, каде сите од прв до последен треба да одат во затвор. Подобро ќе беше да му ја земеле лентата на камерманот за ова да не го види никој.

Не играше многу долго во врвна форма како на пример Меси кој никако не паѓа, ама тоа што го одигра тие сезони беше магично. Чиста привилегија за гледање и уживање. Нескротлив лудак со топка кој не можеш да го демантираш.

Запознајте го Бенто Матеус Крепски, 22 годишно дете на Атлетико Параненсе, кое има само пет прволигашки настапи во бразилскиот шампионат. Нема тука ништо фудбалско во неговата реакцијата, туку класичен ракометен инстинкт, кој е лудачки со оглед на тоа од каде му ја фати. Како пајак му се постави.

Наводно биле картонски за да не издржат повеќе од еден, што би било ризик за ширење на корона вирусот и би се кршеле од многу мрдање. После игрите планирале да ги рециклираат. Ирскиот гимнастичар Рис Мекленахан со демант, што значи во Токио може да падне секс и во кревет.

Себастијан Фетел не ја заврши трката за големата награда на Велика Британија, но покажа дека е општествена одговорна личност, без разлика што е славен спортист.

Снимкава е стара едно 12 години и јаче од мечот Јувентус - Лацио. Ама кога ќе ти влета рандом, особено од вакви јунаци од тазе завршеното Европско, не можеш да ја игнорираш. Некако жал ни падна за Џорџо, се исчаши цел кутриот.

Луис Хамилтон победи на трката за ГН на Велика Британија со што стигна до победа број 99 во Формула 1 шампионатот. Трка која беше во прекин половина час поради голем инцидент.

Македонската олимписка експедиција пристигна во Јапонија, а домаќините на Летните игри не пречекаат баш како прави домаќини. Подготвиле симпатично видео со поддршка на македонски јазик.

Само 4 минути му беа потребни на Елиф Елмас со погодок да стартува на подготвителните средби за новата сезона. Новиот тренер Лучано Спалети му даде шанса во прв тим, а македонскиот репрезентативец тоа го искористи против нисколигашот Баса Ауниа.

На пријателска против Гренада, инаку селекција од Карибите, фудбалерите на Катар покажаа како НЕ треба да се игра два на еден со голман.

Фејсбук страната која се занимава со историјатот на југословенскиот фудбал, знае да освежи со стари и историски снимки меѓу кои има и по некои подзаборевени. Само три месеци после Мундијалот во 1990, Панчев покажал дека треба да добива поголема минутажа во Италија.

По пауза од 50 години, кошаркарите на Милвоки Бакс се на една победа до освојување на шампионската титула во НБА. По загубените две средби, Бакси сега водат 3:2. Крајот беше драматичен. Феникс испушти напад за победа.

Понекогаш и не е лесно да си Лионел Меси. По долгата и макотрпна сезона која по клупските му продолжи со репрезентативни обврски и ја освои Копа Америка, Меси замина на одмор. Велат дека вечерал на раат со семејството, ама кога стана да си оди налет јадењето.

Во 1934-та година фудбалската репрезентација на Италија го освои Мундијалот. Тоа им е прв трофеј. 87 години подоцна си заминаа со трофеј од Вембли. Има Италијанец кој е жив сведок на цела таа историја.

Напаѓачот на Челси, Кристијан Пулишиќ има 22 години, сосема недоволни за да си игра вака во длабокото. 

Голем број на Босанци го загубија животот во битката со Ковид 19, па во обид да помогне, се ангажирал Јусуф Нуркиќ од Портланд кој загубил роднини меѓу кои и баба му.

Каталонците треба и официјално деновиве да стават крај на сагата со Меси околу неговото останување. Клубот скоро сигурно ќе ја соопшти веста следната недела, откако адвокатите ги разгледале условите на зделката, пишува Марка.

Можеби не сте знаеле дека Горан Иванишевиќ, актуелен тренер на Ѓоковиќ е единствениот тенисер кој успеал да го освои Вимблдон со вајлд карта. А? Или сте знаеле? А пресов на УС опен му го знаете? И како ли го превел ова преведувачот?