Кај тргна бе друже?

Овој Манчестер Јунајтед нема допирни точки со оној кој беше мерак за гледање. Едвај Копенхаген го добија и со тоа со гол на Мегваер. Браво за детево што истрча шринт по цел терен, ама на крај се изгуби.

На концерт на хрватскиот виолончелист Стјепан Хаусер во белградска „Арена“, меѓу првите гости биле Новак и Јелена Ѓоковиќ. Најдобриот светски тенисер во еден момент се качил на сцена и засвирил на саксофон.

Големата надеж на македонскиот тенис, Калин Ивановски кој има 19 години и е на 308 место на АТП листата, имаше привилегија да се сретне и да поработи во Белград со најголемиот. Инаку Ивановски живее и тренира во Загреб, а Ѓоковиќ во една прилика изјави дека би сакал да одигра натпревар со него.

На состанокот на акционерите во Евролига во Истанбул била донесена одлука изралескиот шампион Макаби Тел Авив своите домашни натпревари да ги игра во Белград.

Како ти изгледаше одморот годинава? Колку играше кошарка? Колку гледаше? Колку одеше на трки со коњи? Одговорот искрен и оригинален.

Ал Наср го задржа максималниот учинок во азиската Лига на шампиони, откако синоќа во 3. коло го совлада Ал Дуаил со 4-3. Кристијано Роналдо постигна два гола а имаше и една прекрасна асистенција. Другите два погодоци беа дело на Талиска и Садио Мане.

Стартот на новата НБА сезона 2023/2024, оди вака: Победа на шампионот Денвер Нагетс против Лос Анџелес Лејкерс од 119:107 и трипл дабл на Никола Јокиќ, број 106 во кариерата. А цело лето по кафани, концерти и прослави.

НБА лигата се враќа на сцена таму каде што застана. Со трипл дабл на Никола Јокиќ и победа над Лејкерски и Леброн Џејмс, а потоа трето полувреме со најголемиот шоумен меѓу НБА легендите. Одиме со првиот муабет на Шек на српски за оваа сезона.

Ќе речеш дете, 2004-та родено, а тој неранимајко уште од млади години. Додека сите се мотаа околу судијата, Алехандро Гарначо користеше гужва и ја уништуваше точката од каде што се изведуваат пенали. Данците во 97-ма не успеаа да реализираат, а Манчестер Јунајтед се радуваше на првата победа сезонава во ЛШ.

Го критикуваа дека не бил доволно добар и дораснат да го носи дресот на Манчестер Јунајтед, а тој одговори со монструозни одбрани против Копенхаген и е најзаслужен за првите 3 бода во ЛШ сезонава. Не само пеналот, туку внимавајте и на оваа фантастична интервенција со една рака.

Ракометарите на Алкалоид стигнаа до првиот историски бод на меѓународната сцена против фаворитот Ла Риоха среде Шпанија, во второто коло од групната фаза на Европската лига. На околу 20 секунди до крај, Лазаров им даде насоки на своите ракометари како да одиграат во напад 7 на 6 и ризикот без голман се исплатеше. Александар Петковски остана сам на крило и погоди за конечни 29:29.

Данците имаат чиста 10-ка за гестот наменет кон една од најголемите фудбалски легенди во историјата на Англија и Јунајтед. Човекот кој во 1966 го освои единствениот Мундијал на Гордиот Албион, како и Златната топка, а две години подоцна стана европски првак со Манчестер. Почина пред четири дена на 86 години.

Хари Мегваер и Андре Онана или во превод, најкритикуваните двајца сезонава на Олд Трафорд, му ја донесоа првата победа на Манчестер Јунајтед сезонава во ЛШ. Првиот даде гол против Копенхаген во 72-ра минута. Вториот одбрани пенал во 97-ма со една рака за делириум на трибините.

Наполитанците го совладаа Унион Берлин со голот на Распадори, а Елмас конечно доби поголема минутажа и го одигра цело второ полувреме. Гостински триумф забележаа и Реал Мадрид, Баерн Минхен, Арсенал и Реал Сосиедад. Само Интер и Манчестер Јунајтед славеа како домаќини, а еден меч заврши без победник.

Паоло Ди Канио, во негов стил, остро и директно ги нападна фудбалерите околу кои изби голем скандал, а еден од нив е веќе суспендиран цела сезона. Го спореди неговото време кога му се треселе гаќите пред првиот човек на Јуве.

На дуелот меѓу Мастрихт и Камбур во холандската втора лига кој заврши 1-1, домашниот центарфор Коен Костонс промаши неверојатен зицер, но навивачите му простиле затоа што на 11 меча досега има 6 гола и 4 асистенции. Тој и го дал погодокот со Камбур.

И покрај тоа што има критичка маса против него, која се оформи за време на Светското во Катар, сепак Србија го најде човекот кој вети и ги однесе на Мундијал, а со една нога ги враќа и на Европско каде не биле 24 години. Плус е харизматичен, опуштен и зафркант со новинарите. Како и да ја вртиме, фаца е Пикси.

Во средината на октомври на профилите на социјалните мрежи на лондонски Арсенал се појавија клупски фотографии од женската екипа и веднаш разбудиле еден дел од тамошната јавност.

Страшниот воен судир меѓу Израел и Палестина и натаму трае, а двете страни на секој начин се обидуваат да ја добијат меѓународната поддршка. Израелска амбасада во Белград преку еден апел во кое се споменува млад тенисер, бара директно од Новак Ѓоковиќ да ги поддржи.

Кога ќе се праша човек кој е најстар голман, нормално на прва ти доаѓа Џиџи Буфон. Ама Џиџи летово се повлече на „само“ 45 години. Во Бугарија има една друга, уште подолговечна голманска приказна. За момент типот беше и херој.

Мангупот се спремал за ова. Пред секој натпревар децата кои излегуваат на терен додека се држат за рака со познатите фудбалери, често се воодушевени од ѕвездите. Но едно дете од Торино пред мечот со Интер, под дресот на гостите, си го облекол саканиот дрес на „биковите“ и едвај чекаше камерата да дојде до него.

Астон Вила направи силен состав пред почетокот на сезонава и со врвниот тренер Унаи Емери веќе имаат 6 победи во Премиер лига и се на високо 5. место после 9 кола. Во саботата со 4-1 го растурија Вест Хем. Меѓу бројните потези се издвои и оној на Бразилецот Лукас Пакета од гостинскиот тим кој го избезуми Ѕаниоло со еден дриблинг.

Не е оваа младински натпревар, ниту некоја маалска собиранка, туку прволигашки натпревар во БиХ меѓу екипите на Орловиќ и Босна. Домаќините го добија мечот, а го имаат и потегот на годината кој го смисли Анес Подојак. Неверојатно.