Италија бруји за убиството на 22-годишната Џулија Чекетин чие тело пред неколку дена било најдено крај шумски пат близу градот Порденоне. Гласно реагираше и фудбалска Италија која бара поостри мерки за заштита на жените од насилство.

Во морето изливи нетрпение и потсмеви до Хари Мегваер во последните пар години, многу споделувано стана едно видео на кое се гледа како пратеникот од парламентот на африканската земја Гана, Исак Адонго го споредува политичкиот ривал со Хари Мегваер. Зборуваше како правеле киксови и грешки. А сега јавно му се извини после една година. „Хари се трансформираше во играчиште“, ќе рече Адонго.

По репрезентативната пауза, Премиер лигата наскоро се враќа во полн сјај. Следниов викенд на „Итихад“ во Манчестер ќе се игра големото дерби Сити - Ливерпул а интересно ќе биде и на средбите Њукасл - Челси и Тотенхем - Астон Вила. За време на паузата Премиер лига склопи едно интересно видео.

Лос Анџелес Клиперс го добија Сан Антонио Спарс 109-102 а дуелот во еден момент го прекина големиот Грег Поповиќ кој со микрофон и се обрати на публиката да прекине да му вика уа на некогашниот нивен играч Кавај Ленард кој сега е во ЛА Клиперс.

Далас ги доби Лејкерски со 104:101. Дончиќ го заврши мечот со 30 поени, 12 скока и 8 асистенции, а Леброн со 26 поени, 9 скока и 7 асистенции. Словенецот со едно доавање направи шоу и за публиката и за коментаторите. Шмекот е уште поголем, бидејќи успеа да го понижи кралот Џејмс.

Еурофарм Пелистер го бележи и осмиот пораз во Лига на шампиони, овој пат од ПИК Сегед, тесно со 27:28. Но судиите направија сериозна грешка, која можеше директно да влијае на конечниот резултат. На само 3 и нешто минути до крајот, на Урош Борзаш не му признаа чист гол при резултат 25:26. На видеото јасно се гледа дека цела топка влезе по гол, а потоа излезе.

Мотивацијата да игра во родната Битола, каде ги почна првите ракометни чекори, на Филип Кузмановски му се забележи уште во првата минута и првата акција на мечот кој го отвори со гол кој се најде и во изборот на ЕХФ. Фитиљ се врати во македонскиот ракомет после четири години минати во Германија каде играше за Магдебург, Хановер и Вецлар.

Само два дена откако беше исклучен поради две технички грешки, Никола Јокиќ повторно се најде во нетипична ситуација за него, да биде испровоциран и да демонстрира нервоза.

Со репрезентативен фудбал се поздравуваме за годинава и се враќаме на клупски, каде во вторник и среда се игра 5. коло од ЛШ. Погледнете на што налетавме. Интер - Порто, групна фаза, 2005-та, без публика. На сцена стапи Хуго Алмеида и го постигна веројатно најстрашниот слободен удар во историјата на ЛШ. Гледајте и слушајте како пукна топов. Неверојатна левица кој тешко се прати со поглед.

Дваесет и седум годишниот фантастичен играч на Баерн Минхен, синоќа на пријателската Австрија - Германија го заработил првиот црвен картон во кариерата. Сане играше за Шалке 04, за Баер Леверкузен, за Манчестер Сити а во Баерн Минхен е од 2020-та. За Германија од 2015-та до сега има 58 средби и 13 гола. И еден црвен картон.

Полјакот ќе биде запаметен како еден од најдобрите стрелци во историјата на фудбалот. Роберт Левандовски се изнадава голови во досегашната кариера а сега како капитен на Полска ќе има уште една шанса преку баражот во Лига Нации да се протне до уште едно големо Европско првенство.

На концерт во Цирих, легендарниот оперски пејач Андреа Бочели откако дознал дека во публика е тенискиот великан Федерер, го повикал на сцена и со посвета за него ја испеал епската „Несун дорма“. Швајцарецот се расплакал.

Прво напишаа дека дошле во фантастичен град каде за 59 фунти добиле 84 пива. Веројатно набавката им е од супермаркет, бидејќи математиката е 50 денари едно. А сега покажаа и како биле пречекани на полувреме во подтрибинскиот простор и дека ова го немало на стадионите во Англија. Наточено и спремно за пиење, како на коктел.

Со голот на Анте Будимир, Хрватите ја совладаа Ерменија 1:0 и го заверија шестото учество по ред на ЕП. Да, шесто, а ние се задоволуваме со четврто место во група. Ако не победеа можеа да извисат, но само ако и Велс славеше над Турција со која одигра 1:1. За издвојување е одличната интервенција на Ливаковиќ при резултат 0:0, како и мајсторијата на Пашалиќ на мал простор.

Во Јужна Америка синоќа квалификациите за Светско ги одбележаа големи нереди на стадионот во Рио де Жанеиро пред големото супер класико Бразил - Аргентина, а пендраци летале и после мечот Перу - Венецуела. Гостинските фудбалери ја продолжија одличната серија без пораз на пет меча по ред. Оидграа нерешени 1-1 во Лима а по крајот од дуелот сакале да им ги подарат дресовите на гостинските навивачи. Перуанската полиција не дозволила.

Аргентина ја прекина неверојатната серија на Бразил од преку 60 меча без пораз во квалификации за Светско првенство на домашен терен. Гаучосите славеа 0-1 среде Маракана со прекрасниот гол на Николас Отаменди со глава во 63’ минута. Мечот го одбележија големи нереди на трибините поради што стартот беше одложен за половина час подоцна. Меси во еден момент ја повлекол екипата од терен а после победата се огласил на Инстаграм.

Аргентина испиша историја и стана првиот тим кој успеал да го победи Бразил на гости во квалификации. Резултатот отиде во втор план. На трибини хаотично и опасно по живот.

И покрај тоа што беа голема бројка од 2.300 навивачи, Англичаните потклекнаа и не внимаваа доволно на својата навивачка опрема. Ќе си одат дома со едно знаме помалку. Екипата од третолигашот Шрусбери, падна на навивачкиот испит.

Извадокот од филмот за Хитлер кој се користи и се монтира со титл за мал милион актуелни теми, доби сериозна конкуренција. Пазете сега.

Дури 40 новинари од Англија допатуваа во Скопје да известуваат за мечот против Македонија. Околу 15 беа коментатори. Меѓу нив и вториот најдобар стрелец во историјата на Арсенал.

Мирор се обидува да извади адекватна насловна после слабиот и разочарувачки резултат на Англичаните против Македонија, ама ја промашува 200% и непотребно се вплеткува во сензитивна тема за нас.

Македонскиот репрезентативец Давид Бабунски утринава објави фотографија од гостувањето во Италија. Го посетил старо другарче од Барселона, кој сега е првотимец на Лацио.

Ако треба да се избере очајот на денот на одигрувањето на синоќешниот натпревар на Градски, тогаш ова е тој. Мисли Аргентина - Франција е ова, финалето на Светско 2022, па ќе му помине, а не тотално неважен натпревар кој не можеше ништо да промени на табела. 20 евра не ти вади никој, при цени од 400 и 600 денари, а не 200.

Македонската репрезентација одигра храбро реми со големата велесила Англија. После натпреварот скоро сите англиски стручни коментатори и поранешни фудбалери како Тери, Џо Кол, Гари Линекер и Џејми Карагер зборуваа против судиските одлуки по консултација со ВАР. На Твитер, на мрежата Х Бојан Миовски му одговори на Карагер на коментар за пеналот кој дебитантот Рико Луис го скриви над него.