Стартуваше и официјално второто коло на Еуро2024. Се уште нема играч со два гола на еден меч, а Хари Кејн, Килијан Мбапе, Кристијано Роналдо немаат ниту по еден погодок. Единствен кој постигна два гола на два различни натпревари е Џамал Мусиала.

И покрај тоа што УЕФА парично го казни Албанскиот фудбалски сојуз поради тоа што на првиот меч со Италија навивачите на трибините истакнуваа политички пароли, знамиња од ОВК и погрдно скандираа, тој „декор“ не изостана ниту денес. Здружени со хрватските навивачи заедно скандираа „Убиј Срби“.

Домаќинот Германија е прва селекција која се квалификуваше во следната фаза откако попладнево со 2-0 ја совлада Унгарија. Џамал Мусиала и Илкај Гундоан ја проодлжија голгетерската серија на Германците кои во два меча имаат гол разлика 7:1. Меѓу најзаслужните за триумфот беше и Мануел Нојер кој бранеше чудесно.

Во Хамбург попладнево на „Фолкпаркштадион“ Албанија и Хрватска одиграа фантастичен меч со дури четири погодоци.

Дваесет и осум годишниот Ќазим Љачи од Спарта Прага со убав погодок ги доведе во транс албанските навивачи по водството 1-0 против Хрватска во 11' минута. Преку 20.000 навивачи на Албанија беа во еуфорија.

Ромелу Лукаку е тип на центарфор кој може да даде гол секому и секаде и тоа го покажал во големи европски клубови. Ама во исто време е и шпиц кој ако влезе во серија на промашувања зицери, може да утне еден куп како против Словачка кога Белгија изгуби 0:1. Еве еден хумор на негова сметка.

Шкотите ја префрлија масовната журка од Минхен во Келн каде денес играат против Австрија и ќе пробаат да се вадат после дебаклот од домаќинот Германија. А навивачите им се за сите пофалби. Во Келн двајца од нив ѝ помогнале на повозрасна баба да помине улица за време на обилниот дожд кој врнел.

Дваесет и седум годишниот голман на чешка Славија Прага, Јиндрих Станек синоќа правеше чуда на голот на Чесите при португалска канодада. Бранеше удари од далечина и од близина, се фрлаше, правеше паради, скокаше на корнери и избиваше топки. Барем од таа причина Кристијано Роналдо не требаше да му се плези како мало дете при победничкиот гол на Португалија во судиско продолжение во 90+2' минута.

Толку многу нешта се случија на Еуро2024 што тешко човек да поверува дека штотуку завршило прво коло. Се изнагледавме прекрасни голови од далечина, кој од кој поубав. И само нека продолжи така.

Се знае кои се татковци на тренерската струка. На ова Европско првенство во Германија има дури петмина италијански селектори: Винченцо Монтела (Турција), Франческо Калцона (Словачка), Марко Роси (Унгарија), Доменико Тедеско (Белгија) и Лучано Спалети (Италија).

Под водство на Вили Сањол, некогашниот десен бек на Баерн Минхен и репрезентацијата на Франција, Грузијците обезбедија прво историско Европско првенство. А таму во првото коло иако изгубија 3-1 од Турција, покажаа супер отворен фудбал.

Дваесет и три годишниот Георгес Микаутадзе го постигна првиот гол на првото дебитантско Европско првенство за Грузија во историјата. Изгубија 3-1 од Турција но покажаа храбра игра и не искористија многу шанси. Коментаторот глас изгуби на голот.

Ефикасното Европско првенство продолжи и вечерва. По четирите гола на мечот Турција - Груција и вечерва паднаа три гола на вториот меч меѓу Португалија и Чешка. Чесите поведоа со прекрасен гол, Португалија победи со погодок во судиско продолжение.

Турција и Грузија го одиграа најинтересниот меч од стартот на Еуро2024. Паднаа четири гола а можеа уште толку. Турција славеше 3-1 а два од три гола им беа чуесија од евроголови. Арда Ѓулер, бисерот од Реал Мадрид го даде најубавиот погодок на цел турнир.

Дваесет и пет годишниот бек на Фенербахче, Мерт Мулдур и тинејџерската ѕвезда од Реал Мадрид Арда Ѓулер во 25-та и 65-та минута од мечот со Грузија постигнаа страшни евроголови! Сигурно најубави на цело Европско, макар досега. Грузија претходно израмни во 32' минута преку Микаутадзе но Ѓулер направи право ремек дело за ново водство на Турција. До крајот Грузија имаше огромни шанси да израмни но прими и трет гол откако голманот истрча во судиско продолжение на корнер.

Од 18:00 часот на Европското играат Турција и Грузија. Општо е познато дека најбројна дијаспора во Германија е турската, па затоа не чуди што улиците во Дортмунд денес се преплавени од турски навивачи.

Фудбалот понекогаш пишува најубави приказни. На и надвор од теренот. Доказ за тоа е и една случка од автопат во Србија каде се сретнале добронамерни случајни минувачи.

Австриските навивачи очекувано се меѓу побројните во соседна Германија. Нивниот изглед, ред и дисциплина во група е број 1 досега на Европското. Под конец.

Се претпоставува дека во Германија има од 10 до 12 милиони гости од светот за Европското првенство. Меѓу најбројните очекувано се англиските навивачи, познати по тони испиени пиво, гласна поддршка и бројни знамиња (некои додуше останаа без своите). Еден Англичанец станал хит откако објавил видео во кое раскажува дека е 4 саат сабајле, дека заспал на стадионот и штотуку се разбудил утрото после мечот Англија - Србија.

Англичаните Конор и Мет пробуваат вкусови на 24 различни пива, од сите земји учеснички на Европското првенство 2024 во Германија ама имаат и некои утки. Пример кај Швајцарија пијат германско пиво од Дрезден а не швајцарско. Во секој случај супер идеја.

Со 13 гола и 13 асистенции, 26-годишниот Маркус Турам беше еден од најзаслужните за скудетото на Интер сезонава. Таквата форма му донесе стартно место во репрезентацијата на Франција, но Маркус има и една слабост, често знае да глуми непотребно. Како синоќа на мечот со Австрија (0:1).

Колосално изгледа моментот кога околу 30.000 навивачи на Романија ја пееја својата химна пред мечот со Украина од 1. коло во нивната група. Околу стотина романски навивачи претходно биле сопрени да влезат на натпреварот поради тоа што наводно биле запишани во досиејата. Во нивна одбрана сите оние кои беа на стадионот кренаа пароли на германски, англиски и италијански: Слобода за ултрасите.

Романија после долги години се врати на голема сцена. И тоа како се врати. Ја разби Украина 3-0 со фантастична игра и уште поубави голови. Романскиот коментатор урлаше од радост:

Немаа баш лесен старт на Еуро2024 светските вицешампиони од 2022. Франција ја совлада страшно тврдата Австрија 1-0 со ефектниот автогол на Макси Вебер кој во 38’ минута после центаршут на Мбапе атрактивно си ја заби топката во својата мрежа. Во самиот финиш во 88’ минута Килијан Мбапе после еден дуел во казнениот простор се удри силно од рамето на Кевин Данс и по се изгледа го скрши носот. Денес стигна информација дека ќе мора на операција и не се знае како ќе продолжи.