Хрватска е голема ракометна сила со вкупно 15 медали, меѓу кои злато на СП 2003 и две на Олимписките игри 1996 и 2004. Им фали титула само на Европско, каде имаат играно три финалиња. И на овој турнир се во игра за медал, кој би го освоиле ако ја победат Германија. Погледнете ја оваа радост откако синоќа го заверија полуфиналето после триумфот над Унгарија. Во транс се.

Новак Ѓоковиќ, кој во мај полни 39 години, во петок ќе игра полуфинале против Синер на Австралија опен. Новинар на прес се впушти во прашање, кое многу погрешно го формулираше, дека прво за титули ги бркал Надал и Федерер, а сега Синер и Алкараз. Му се извини.

Навивач на англискиот нисколигаш Ротерам без размислување го соблече џемперот да му го даде на својот играч да ја избрише топката зошто немаа пешкир во близина.

Најдобрата светска тенисерка Арина Сабаленка од Белорусија брзински ја совлада Украинката Елина Свитолина во полуфинале на женскиот турнир на Отвореното првенство на Австралија и се пласираше во финале. Таму ќе ја чека победничката од дуелот Елена Рибакина - Џесика Пегула кој се игра денес.

Украинскиот голман Анатолиј Трубин од синоќа влезе во историјата откако стана прв голман што некогаш му дал гол на Реал Мадрид, а победата на Бенфика од 4:2 над „кралскиот клуб“ ќе се памети и како средба на која само трет пат голман дал гол во историјата на ЛШ.

Ривер Плејт ја совлада Химнасија Ла Плата со 2-0. Гостите играа со играч помалку уште од 13' минута по црвениот картон на Панаро, а домашните тоа го искористија. Два гола даде капитенот и лидер на екипата Хуан Кинтеро од кои едниот прекрасен од слободен удар. Маестрално изведен.

Спортска среда да ти штукне памет. Ги напукаа 18 утакмици во една вечер фудбал, па уште и 6 од ракомет. Девојкава се снајде. Вие?

Ракометарите на Германија и Хрватска се патници во полуфинале откако синоќа ги совладаа Франција 38:34 односно Унгарија 27:25. Со одлична игра двете селекции закажаа меѓусебен дуел кој ќе се игра во дански Хернинг утре од 17:45.

Шведска ја растури Швајцарија со 34:21, победа со која завршија трети на табела и која им носи меч за 5 место. Андреас Паличка беше неприкосновен со дури 20 одбрани или 50% ефикасност. Ова се дел од неговите фантастични одбрани.

Одличниот 24-годишен украински голман Анатолиј Трубин е светска вест на денот откако со негов гол во судиско продолжение Бенфика славеше 4:2 над Реал Мадрид и се пласираше во осминафинале на Лига на шампиони.

Пафос од Кипар ја растури Славија Прага со 4:1, победа со која заврши 26-ти на табела, што значи не продолжуваат понатаму. Влад Драгомир го има голчиштето на колото. Страшен проектил.

Голманот веројатно мислеше дека ќе нафрла, но Маркус Рашфорд ја свитка онаму каде што голманот многу тешко наоѓа начин да ја скроти. Голчиште за Барса- Копенхаген конечни 4:1.

Бенфика приреди чудесија од финиш во последното коло од ЛШ. Со помош на голманот го урна Реал со 4:2 во 98-ма минута, резултат кој ги носи во нокаут фаза, а Реал во доигрување наместо директно во осминафинале. Жозе ко Жозе. Во делириум беше на крај.

Анхел Ди Марија од лани игра дома во родниот Росарио. На 14 февруари полни 38, ама години ич не му се познаваат. Погледнете го како решава акција кога ќе прими топка пред шеснаесетник. Играчиште.

Жозе Мурињо и Бенфика се пласираа во доигрување за осминафинале во Лига на шампиони откако во последното коло на својот „Луж“ со 4:2 го совладаа Реал Мадрид кој ќе мора исто да оди во доигрување наместо директно во 1/8 финале. Голманот Трубин е јунак на Португалците.

Зинедин Зидан беше дел од хуманитарен натпревар на кој се собраа членови од генерацијата која го доби финалето против Бразил на Мундијалот 1998. Се виде со Жули, Карембе и Блан.

Си биле тројца фудбалери од Австралија кои се обидоа да го збунат голманот. Епилог? Сами себе се збунија.

Целото ракометно Европско првенство го следат слаби судиски изданија и од коло во коло има спорни моменти. Синоќа на натпреварот Шведска - Унгарија кој заврши нерешено 32:32, на дваесетина секунди пред крај Унгарците тргнаа по победа. Золтан Шита тргна кон казнетиот простор а во него неправилно го блокираше Хампус Ване кој со обете нозе беше во просторот каде не смее да брани. Швеѓанецот му влезе на Унгарецот во дуел и контакт а судиите Роберт Шулце и Тобијас Тонис досудија пробивање иако беше чист, очигледен прекршок во одбрана за пенал и евентуална победа на Унгарците.

Навивачите на гигантот од Истанбул често користат прилика до некое гостување да отидат преку Босфорот, преку морски пат со бродови. Тоа изгледа фасцинантно како сцена од „Пирати од Карибите“.

Во англиската Лига 1, трета дивизија по ред во тамошниот фудбал, Хадерсфилд со 1-0 го победи Лутон Таун иако играше од 29-та минута со играч помалку. Во 48-ма минута Рајан Ледсон постигна НЕВЕРОЈАТЕН ЕВРОГОЛ!

Новак Ѓоковиќ без борба го доби четвртфиналето протв Лоренцо Музети кој го предаде мечот поради повреда и тоа после водство од 2:0. Во вториот сет Италијанецот во игра на мрежа погоди во аут, но Ѓоковиќ му дофрли на судијата дека го допрел топчето со што му помогна да ја смени одлуката во корист на Музети. Ова ретко се гледа во тенис.

Новак Ѓоковиќ на неочекуван начин ја мина четвртфиналната битка на Австралија опен. Губеше 2:0 во сетови од Лоренцо Музети, кој поради повреда беше приморан да го предаде мечот. „Не знам што да кажам освен дека ми е жал за него. Тој беше далеку подобар играч, а јас бев на пат кон дома. Му посакувам брзо закрепнување и без сомнение требаше да биде победник денес“, изјави Србинот кој во полуфинале ќе игра против подобриот од дуелот меѓу Бен Шелтон и Јаник Синер.

Имаме нестварни сцени во Куп натпревар во Катар. Извесен Умар Бари од Ал Шамал, го реши мечот со нереален автогол и тоа во 92 минута, откако многу сигурно одбрани проектил топка на противникот.

Шведска одигра нерешено 32:32 и сега има 5 бода на трето место, исто колку втопласираниот Исланд. Погледнете ја одбранава на 39 годишниот Паличка од седум метри. Неверојатно добро изгледа ова.