На „Олд Трафорд“ се сетиле во спремањето новогодишни подароци да учествуваат и играчите. Меѓу нив и тој, голманот Андре Онана.

Мечот е пријателски, датира од 2000-та, а јадните Англичани на Деле Алпи во Торино требаше да се соочат со дефанзива составена од Неста-Малдини-Канаваро, па уште и Буфон на гол. Колку гола им дадоа? Нула. Ќе ви стане јасно зошто откако ќе погледнете како триото газдува на своја половина. Знаете кој го реши мечот? Гатузо и тоа со голот на кариерата, кој инаку му е единствен во репрезентативната кариера (2000-2010).

30.9, поени 12.5, скока, 9.7 асистенции е просекот на Никола Јокиќ оваа сезона на првите 24 НБА средби. Оствари трипл дабл дури 11 пати. За коментарите во суперлативи, ќе слушате додека ја гледате компилацијата.

Во јак трилер меч меѓу Голден Стејт Вориорс и ЛА Лејкерс, гостите славеа 113-115 во Сан Франциско со кош на 1 секунда пред крајот. Претходно Стеф Кари погоди тројка за израмнување од голема далечина на 7,1 секунди до крајот и ја фрли во еуфорија целата сала, но на крај Остин Ривс стави печат на триумфот на Лејкерс.

Ла Лига, Супер Куп на Шпанија, Лига на шампиони, Супер Куп на Европа, Интерконтинентален Куп. Тоа е одговорот на Реал Мадрид ако некој ги праша, по што ќе ја паметите 2024-та.

Галатасарај на стартот на оваа сезона направи бомбастичен трансфер и го донесе во напад Виктор Осимен, еден од најзаслужните за Скудетото на Наполи. Во првите 4 месеци одговори со 12 гола на 15 средби. Оној кој денеска се вртеше во Турција, како за крај на годината, е спектакуларната акробација против Анталијаспор на гости.

„Кога Франко се повлече од играње му рековме дека не смееш да помислиш да бидеш далеку од Милан и му дадовме одговорна функција во нашиот младински сектор. Направивме и една работа која ниту еден друг клуб не ја направил за никого. Го повлековме засекогаш неговиот број 6. Потоа решивме дека истото треба да го сториме за уште еден играч. А за кој, ако не за големиот Паоло. Две бројки кои повеќе нема да постојат на дресовите на Милан кај други играчи“.

Со Ентони Едвардс, Леброн Џејмс, Трејси Мегреди, Коби Брајант, Винс Картер, ДеАндре Џордан...Не може да се лоши клипчињава. Одиме со топ 10 мераци за гледање.

Кристијано Роналдо ужива со семејството во посета на местото кое се смета за седиште на Дедо Мраз. Во Лапонија, во најсеверниот дел од студената Финска, Португалецот покажа во каква врвна форма се наоѓа и на неколку недели пред неговиот 40-ти роденден.

Лионел Меси пред неколку дена стигнал во родниот Розарио, во Аргентина каде ќе ги помине Новогодишните и Божиќни празници како и секоја година. Лео многу ретко ги користи социјалните мрежи на кои сега сподели еден интересен детал.

Во натпревар од групната фаза во одбојкарската Лига на шампиони, Перуџа го совлада француски Сен Назар со 3-0 во сетови. Натпреварот ќе се памети по екцесот кој случајно го направи францускиот одбојкар Анри Леон кој го урна судијата Пол Каталин Шабо-Алекси од неговата судиска кула.

Само два дена по промените на раководството во ФФМ, довчерашниот капитен на Македонија Стефан Ристовски, објави фотографија на Инстаграм на која е во репрезентативен дрес заедно со Адеми. Значи ли ова кам бек и нормализирање на односите со селекторот Милевски, со помош на новиот директор на националните селекции, Горан Пандев, со кој се блиски.

Шпанскиот клуб Бетис пред католичкиот Божиќ одигра 1:1 против Ваљадолид, но навивачите беа во празнично расположение и го направија пред натпреварот традиционалниот играчкопад, односно подарија од трибините илјадници плишани мечиња за децата од најранливите социјални категории.

Холандскиот гигант отсекогаш вадел сјајни бисери од својата школа, која важи за една од најдобрите на светот. Еден таков сега е 11-годишниот Зинедин Чајат кој жонглираше 2.424 пати за време на паузата на натпревар на Ајакс. „Можев уште, ама ме прекинаа поради натпреварот“, рекол малиот Зинедин кој ги воодушевил присутните.

Претседателот на Синдикатот на фудбалери, Панчев Ќумбев, а воедно и поранешен репрезентативец на Македонија, даде краток и јасен коментар околу смената на раководството во ФФМ. За промени, смета дека е потребна чистка и рестарт.

Триесет и две годишниот Бразилец во последните 2-3 години повеќе е надвор од теренот во закрепнување од повреди отколку што е на терен. Член е на саудискиот клуб Ал-Хилал, важи за еден од најскапо платените фудбалери во историјата, но по сè изгледа дека веќе не му е до фудбал. А го играше стварно со неверојатна леснотија.

Атлетико Мадрид штуцаше на почеток на сезоната но во финишот на првата полусезона, есента и зимава игра маестрален фудбал и со 12 победи, 5 нерешени и само 1 пораз се први на табела во Шпанија. Добро им оди и во Лига на шампиони, а во меѓувреме овозможија на нивниот ултра модерен стадион „Ријад Ер Метрополитано“ да се направи и лизгалиште.

Еден ден по вонредното изборно генерално Собрание, новиот претседател на ФФМ, Масар Омерагиќ го одработи првиот ден во куќата на фудбалот. Се запозна со вработените во федерацијата, ги повика на брифинг новинарите, а имаше и прва средба со селекторот Боби Милевски, кој за три месеци ги стартува мундијалските квалификации.

Новинарите во САД пред секој новогодишен период речиси секоја година го прашуваат Никола Јокиќ што мисли за тоа што „тој и соиграчите играат натпревари неколку Божиќи по ред и што мисли за играњето на Божиќ?“.

Второлигашот Јуве Стабија е четврти во Серија Б и има сериозни намери да се вмеша во борбата за место кое води во Серија А. Интересно, за овој клуб игра долгоозборуваниот млад фудбалер Романо Мусолини, играч на Лацио позајмен во Јуве Стабија. Негов прадедо е познатиот италијански историски лидер, контроверзниот Бенито Мусолини. Сега дал гол за победа, а тифозите додека спикерот го најавувал неговото презиме, салутирале со римски поздрав.

Натпреварот меѓу Филаделфија и Сан Антонио Спарс кој Севентисиксерс го добија 111:106 го одбележи груб инцидент кој го предизвика 30-годишниот Жоел Ембид. При еден напад на Филаделфија, Ембид направи фаул, судијката му досуди прекршок а тој влезе во жестока расправија по што соиграчите го смирија да не ја нападне и физички судијката. Го исклучија од мечот а тоа му е второ исклучување сезонава.

Црвена Ѕвезда го доби Партизан 89:84 во натпревар од АБА лигата, а потегот на мечот, а можеби и на сезоната е НБА забивањето на Американецот Тајрик Џонс. Безмилосно му одигра на својот чувар еден на еден, во стилот на Шон Кемп.

Еден од најдобрите фудбалери на сите времиња, Португалецот Кристијано Роналдо решил со децата да отпатува до Финска, во местото Рованиеми за каде се смета дека е седиштето на Дедо Мраз. Од аеродром ги донеле директно до местото а таму возеле и на санки со кучиња и го посетиле Дедо Мраз.

Црвена Ѕвезда го доби градското дерби против Партизан во АБА лигата, а по натпреварот можеа да се чујат навреди кон претседателот Александар Вучиќ, што е нетипично за овие навивачи ако се знае дека тој е ѕвездаш. Спортклуб пишува дека ова е одраз на незадоволство околу ситуацијата во земјата, каде инаку деновиве се одржуваат масовни протести од страна на студентите, откако на железничката станица во Нови Сад загинаа 15 луѓе.