Еден од најдобрите фудбалери на сите времиња, Португалецот Кристијано Роналдо решил со децата да отпатува до Финска, во местото Рованиеми за каде се смета дека е седиштето на Дедо Мраз. Од аеродром ги донеле директно до местото а таму возеле и на санки со кучиња и го посетиле Дедо Мраз.

Црвена Ѕвезда го доби градското дерби против Партизан во АБА лигата, а по натпреварот можеа да се чујат навреди кон претседателот Александар Вучиќ, што е нетипично за овие навивачи ако се знае дека тој е ѕвездаш. Спортклуб пишува дека ова е одраз на незадоволство околу ситуацијата во земјата, каде инаку деновиве се одржуваат масовни протести од страна на студентите, откако на железничката станица во Нови Сад загинаа 15 луѓе.

Реал Мадрид со 4-2 ја совлада Севиља и ја прескокна Барселона на табелата, па сега Атлетико е прв со 41 бод, Реал Мадрид втор со 40 бода а Барселона трета со 38 бода со тоа што мадридските гиганти имаат и меч помалку во Ла Лига. На дербито со Севиља Арда Ѓулер влезе во 71' минута од клупата за резерви каде претходно истури вода врз столчето на Карло Анчелоти.

Интер го совлада Комо со 2:0 во заостанат натпревар и сега е на -3 од лидерот на Аталанта, но со натпревар помалку. Ќе го издвоиме голчиштето на Маркус Турам кој го реши и чуварот и голманот со убиствен финиш. Прв стрелец е во Серија А со 12 гола, исто колку што има и Ретеги од Аталанта.

Оснабрик е на претпоследно место во трета германска лига, 19-ти се од 20 клуба. Имаат само 15 бода и сериозно тонат накај четврта лига. Но навивачите го бодрат тимот кај и да игра. Сега последно Оснабрик играл во неделата против Ферл (1:1) на гости, а навивачите го прекинале накратко натпреварот со фрлање лампиони и новогодишна елка во знак на протест што цел декемви Оснабрик игра само во недела, ден за одмор.

Натпревар од фудбалската лига на Костарика бил прекинат поради тоа што гостинската екипа Алахуеленса била незадоволна од висината на стативите и пречката. Судија со метро и асистенција од помошниците измерил и се потврдило дека голот е повисок од вообичаеното. Но после прекинот домаќините славеле 2:0 па гостите залудно се жалеле.

Со повредата на Мамардашвили, Столе Димитриевски брани во Ла Лига на три меча по ред за очајната Валенсија, која се наоѓа на претпоследна позиција. Загуби 1:0 од Ваљадолид, па нерешено прво со Еспањол, па викендов против Алавес. Бележиме две одлични интервенции од последните два дуела.

Украинскиот боксер Александар Усик одново, по втор пат го совлада Британецот Тајсон Фјури и ја одбрани светската шампионска титула во тешка категорија. Усик победи по судиски поени а при прогласување на победникот носеше маица со грчки натпис: „Православие или смрт“ и на градите имаше голем ланец со православен крст, појави не баш често видени во Саудиска Арабија.

Никола Јокиќ стигна до нов трипл-дабл во својата НБА кареира, 11-ти сезонава и 141. во кариерата. Србинот постигна 27 поени со 13 скока и 10 асистенции. Денвер Нагетс губеше убедливо сè до крајот од третиот период кога Јокиќ и Мареј потсетија на шампионските денови, режираа пресврт и после продолженија на Денвер му го донесоа 15. триумф сезонава, овојпат 132:129 против Њу Орлеанс Пеликанс.

Александар Усик одново доминантно го избоксира Тајсон Фјури во Ријад, Саудиска Арабија и забележа уверена победа и на реваншот ја одбрани светската шампионска титула во тешка категорија. Британецот изгледаше невообичаено лошо.

Португалскиот тренер Рубен Аморим кој правеше чуда со Спортинг Лисабон, му донесе шампионски титули, трофеи и пехари после долги години, го направи редовен учесник во Лига на шампиони, сега не може да се снајде во хаосот во Манчестер Јунајтед. Изгубија дома 0:3 од Борнмут, а таванот прокиснуваше за време на прес-конференцијата на Аморим.

18 сезони, 704 натпревари, 49 голови, 4 трофеи во Лига Европа, 2 во Копа дел Реј, Суперкуп на Европа и Суперкуп на Шпанија. Сето ова за еден клуб. Севиља. Во меѓувреме заигра и за Манчестер Сити (2014-2017) со кој освои титула во Премиер лигата и два пати Лига Куп.

Tрабзонспор го совлада Бодрум 1:0, на многу сладок начин. Со еврогол во 86 минута, ремек дело на португалскиот десен бек Педро Малхеиро, кој ја дупна топката.

Во големото дерби од 17. коло во англиската Премиер лига Ливерпул ја прекина серијата од два меча без победа и го совлада Тотенхем на гости со тениски резултат 3:6.

Ништо од ноктот на Левандовски, приматот за најјак офсајд за 2024-та доаѓа од средбата Венеција - Каљари. Пази, со крампон беше во офсајд. Каков апсурд.

Кога ќе се спомене Непал, прва асоцијација се Хималаите и славниот Монт Еверест. Но, тука друг е муабетот. Роберто Карлос дали се слушаме? Или ова треба да го објасни професор по физика?

Реал Мадрид целосно ја оправда фаворитската улога против Севиља и ја доби со 4:2, со што изби на втората позиција пред Барселона. Да не должиме многу, Килијан и Федерико сакаат да ви покажат нешто.

Аталанта го совлада Емполи со 3:2 и ја задржа челната позиција и во 17. коло. Лиам Хендерсон од Шкотска кој е член на гостинскиот тим, се надмина себе си во обидот да изнуди прекршок, па уште глумеше и мускул дека истегнал. Гасперини за глава се држеше. Торко од невидени размери.

Фудбалската федерација на Македонија го одржа вонредното изборно генерално Собрание. Прифатена е оставката на досегашниот претседател Муамед Сејдини и претставена е новата раководна структура на куќата на фудбалот.

Специјалистот за банани од Конго, 218 см високиот Дикембе Мутомбо кој е втор во НБА историјата со 3.289 блокади царуваше под кошевите и после секоја рампа им гестикулираше со прстот, дека не се поминува така лесно кај него. Ама еднаш на гости му дојде Шекил О'нил.

Едно од можните сценарија изгледа од прилика вака и е во должина од 30 секунди, пошто после ќе папсаат.

После 19 одиграни кола во чешката прва лига, Славија Прага е лидер со 50 бода (16 победи, 2 нерешени и 1 пораз), Викторија Плзењ е втора со 43 бода а Спарта Прага е на трето место со 37 бода. Навивачите на Славија имаа година 2024 за паметење. Немаше коло а да не направија прекрасни кореографии проследени со многу пиротехника.

Едниот се бори за Скудето, другиот за промоција во Серија А. Како играчи, беа далеку од тоа дека еден ден ќе бидат тренери, но останаа во вториот фудбалски живот. Често се слушаат на телефон и зборуваат многу на тема фудбал.

Повеќекратниот НБА шампион Голден Стејт Вориорс има сериозна резултатска криза па веќе нанижа 9 порази на последните 11 меча. Синоќа изгубија со страшни -51 поен разлика од Мемфис Гризлис а уште пострашен беше учинокот на нивните најголеми ѕвезди Стефон Кари и Драјмонд Грин.